越男仔 (已搬遷) 新店位置

呢晚同朋友嚟食越南菜，點知地方雖小，食物質素令人非常驚喜！牛油雞翼好香脆，內裏嫩滑，邪惡但美味。芝士蝦多士面層系好香既芝麻，蝦滑彈牙，夾住半融既芝士，非常特別。炸軟殻蟹香而不辣，蟹肉厚又鮮，仲有膏，滿足！番茄四寶湯濛湯頭既茄味濃得不得了，爽口既濛粉吸收汁既鮮香好惹味，配料亦出色，扎肉彈牙，豬頸肉爽脆入味，正！窩蛋牛肉生菜包撈檬有啲似韓式牛肉飯換成麵底，牛肉碎唔會乾，醬汁好惹味，加上大量蔬菜，感覺幾健康。飲品方面，呢度既香芧薑蜜不容錯過。