黑木亭居酒屋 (清風街) (已結業)

終於比我捉到男朋友陪我嚟食啦，其實之前一直想黎呢間，但時間一直都就唔好，所以擺左係個 notes 到。 so sad 🥲 不過今次既然黎得就一定要食到飽飽，肥都唔理😏 呢度嘅地方其實唔難搵，喺天后站出好快就可以行到過去，呢間日式居酒屋地方雖小，但五臟俱全，一坐低梗係睇睇個Menu先啦，一眼數落去已經發現好多樣嘢我想食，就問咗店員同埋睇咗Openrice簡介，大概已經有一定嘅心頭好，今次呢重點叫咗兩樣主食，叫咗個澳洲龍蝦二食，同埋甲羅燒 😍😍 期待期待，菜一到就已經好興奮地打卡，一嚟就飲咗個龍蝦麵豉湯先，啲湯好入味，好重嘅龍蝦味，啲龍蝦肉好爽，好鮮甜，擺喺勝利嘅表情望住男朋友，心諗，我冇揀錯呢？ 另外甲羅燒就係叫俾男朋友，因為其實香港比較少地方做得好好食，但呢間有好多人介紹，蟹膏有好重嘅蟹膏味，蟹子非常多。 男朋友淨係顧住食，不過睇到佢個樣就知道其實好滿意，值得下次再嚟！