Makuma (已結業)

喺荔枝角D2 Place One我揾到一間寧靜舒適、可以好好享受愜意美食嘅餐廳。今晚試咗 “幕間特選二人前 ”，前菜係和風刺身沙律，有兩份，擺盤好靚，見到已經流晒口水，刺身有赤蝦及北寄貝，新鮮甜美，為今晚打開美味之門。小食係唐揚拼盤，有吉列蠔、玉子燒、唐揚炸雞及芝麻雞翼，非常豐富，每款都炸得甘香可口，齒頰留香。一品係六選一，揀咗醬油鰹魚湯煮花膠，花膠炆得極之入味，軟滑有彈性，日本大根吸收鰹魚醬汁，鬆化淋甜。主菜三選一，必選鐵板風蒜片牛柳粒，因為牛柳粒非常juicy，有牛肉鮮味，份量十足，蒜香撲鼻，絕對食到舐舐脷。鐵板炒野菜，係將椰菜同菇一齊炒到金香，調味適中又爽滑。主食有二揀一，可以選黑松露蘆荀炒飯，蘆筍好爽甜，蛋粒加黑松露好夾，飯又炒得粒粒分明，冇油膩，好好味。另有兩杯飲品，凍焦糖鮮奶咖啡及凍榛子鮮奶咖啡，香濃幼滑，配任何食物都無懈可擊。極盡完美的一餐，不亦樂乎。