Chef's Stage Kitchen (已搬遷) 新店位置

聽過朋友介紹呢附近開左間新既chefs stage，所以黎度試下食睇下有無保持到水準。呢度環境同舊店保持果份獨特，而且更有格調，未夠7點已經坐上大半滿人。我叫了自己一份晚餐，先黎餐廳自製既餅乾同埋麵包，餅乾夠脆，麵包微暖而且夠軟熟，好少餐廳既餐包咁有水準。餐湯係黑松露野菌湯，非常香滑，兩者味道相當夾，而且野菌味道突出，鍾意既朋友唔可以錯過。至於main course 就係香煎比目魚，頗有驚喜既一道菜，魚皮煎到超脆口，配以香草既味道，魚皮就好似一塊薯片咁樣，魚皮脆同埋下面既魚肉滑溜形成強烈對比，非常有質素，加上底下既露筍吸收晒比目魚既精華，味道相當清甜，食得出係食物既新鮮。最後仲有甜品，芒果熱情果蛋糕，估唔到兩者加埋一齊咁夾，充滿夏日既果香，非常得時，而且蛋糕底夠軟滑，實在不能挑剔。