哈豆

營業中

休息中

收工諗食咩，突然想食台灣菜，於是就睇吓附近有冇咩台灣菜好食！見依間係工廈入面，但都好多人推介，一於試試佢。店舖小小但野食選擇一啲都唔少！飯、牛肉麵、乾拌麵、湯麵、小食都好多。拌麵都分肉燥、沙茶、胡麻、蕃茄、麻辣等等，今次叫左個雞翼沙茶乾拌麵（$56）包埋野飲！個醬勁香，原來入面有蝦米、魚乾、花生，不過係偏鹹，但撈埋麵食岩岩好！另外仲叫咗個椒鹽排骨肉燥飯套餐（$56），佢呢度椒鹽排骨炸得幾好，咬落都仲好有肉汁，同個調味好平均唔會一邊勁鹹一邊又無味咁。最後嘢飲特別推介依到嘅豆漿紅茶，無乜地方試到，飲落係茶味為主但有淡淡嘅豆漿味，幾好飲！依間台灣野價錢真係幾平，而且質素都ok！都食得過。