悠蔬食 (渣甸中心) (已結業)

成日出街食飯都係多肉少菜，好唔健康，其實素食都可以食得好味又豐富😋 今次朋友介紹銅鑼灣嘅「悠蔬食」，係一間新派素食餐廳，好味又健康👍🏻 我哋一人叫咗一個晚餐，＄238就有前菜、手卷、湯品、主食、同甜品，非常豐富～ 前菜有日式麻醬蒟蒻菜絲沙律，爽口好味；四喜烤夫，非常濃郁入味；香芋鮮果伴果仁，果仁非常香脆，超級好味👍🏻😋露筍素香鬆苜蓿牙手卷，同香芒牛油果苜蓿芽手卷，兩款都非常清新，以苜蓿牙代替飯做手卷，口感更加好，健康之餘，又唔會食到好飽～ 牛肝菌野菜忌廉濃湯，非常香濃，超級好味😵 充滿牛肝菌嘅香味，非常推介👍🏻👍🏻👍🏻 松露竹笙黃耳百合燉湯，好足料，香甜鮮味～ 青咖喱野菜猴頭菇，配印度薄餅及珍珠糙米飯，青咖喱好香滑，微辣，配料有西蘭花、椰菜花、蘆筍、黃椒等，猴頭菇好有咬口，好似肉咁，味道非常好👍🏻 印度薄餅好香口，十分好味😋 配青咖喱汁食一流👍🏻 珍珠糙米飯亦唔錯～ 牛油果鮮豆包雙薯藜麥焗千層麵，雙薯有薯仔同番薯，口感唔錯，配埋牛油果，層次更加豐富，味道唔錯～ 甜品有千層棗皇糕，軟綿綿，甜度適中，好香棗味，非常唔錯👍🏻 黑加倫子乳酪蛋糕，香甜好味，厚實有質感～ 因為甜品做得唔錯，意猶未