鮨樂 (鱷魚恤中心) (已結業)

去開觀塘番工嘅人對鱷魚恤中心一定唔會陌生。今次去試一下依間開到成行成市嘅《鮨樂》。首先第一步當然要飲佢地個湯先，青海苔味噌湯$22， 佢地用左白身魚魚骨去慢煮湯底，再加上麵豉同埋木魚精。湯身一啲都唔會腥，呈奶白色又清甜。自家製免治雞肉串 $38自家製嘅免治雞肉，肉身已經調配好肥瘦嘅比例，食之前點一下生雞蛋同埋秘製醬汁，帶少少甜味，都幾特別。之後就到左我最期待嘅松壽司盛合 （8件）$178八件壽司分別為吞拿魚、魷魚、真鯛、平目魚、甜蝦、油甘魚、深海池魚、甜蛋。日本直送嘅刺身，根據當日時令嘅材料去挑選，務求保證絕對新鮮。甲羅燒 $88松葉蟹蓋上面都係滿滿嘅蟹膏，燒熟之後再放上香蔥。平時嘅餐廳都係會用餅乾，咁別就日本直送嘅銀魚仔餅。鮮甜嘅蟹膏同帶少少咸香嘅銀魚仔原來都好夾，好特別。柚子雪葩 $28採用左高知縣嘅柚子整成嘅雪葩，柚子味特別香濃，帶有酸酸甜甜嘅感覺，為依個晚餐畫上圓滿嘅句號。鮨樂 (鱷魚恤中心) (觀塘)觀塘開源道79號鱷魚恤中心1樓7號舖