影片
更多
2013-04-13
48 瀏覽
話說PIZZA HUT之前出個個芝士七重奏，雖然好想好想試，奈何冇人陪，話怕漏喎...就咁拖下拖下，拖到而家冇埋添緊接而黎既就係"蝦哈芝心批"。呢個出左冇耐，就俾人拉左去嚐新。咁岩個日想食PIZZA，就跟左佢地去(但係你地幾時先肯陪我去食芝士七重奏呢...？)我地個日個個係2人套餐黎既，入面包左兩杯野飲、兩個餐湯、一個粉/飯/沙律、一個大蝦哈芝心批，加埋好似$2XX。個餐入面D野飲同湯都冇咩特別，都係大路野。只要佢應凍則凍，應熱則熱，都唔會有大問題既。粉個到我地叫左個肉醬意粉，又係大路野。個醬酸酸甜甜咁，都幾開胃。醬汁都多，不過肉就唔係好覺。(都好，少肉健康D嘛)而且我覺得個意粉煮得偏軟腍了，缺少左D咬口。如果佢個意粉烚少幾分鐘可能會好DD。(我是喜歡有咬勁的東西。終於黎到今日個主角：蝦哈芝心批，我地叫左帶子香草大蝦個款。先講薄餅中間上既餡料，帶子只係急凍既細細粒帶子，蝦應該都係急凍個D，亦唔見得有幾大隻，已經預左呢兩樣野係會冇咩味。香草好似就只係嚮個薄餅焗完之後係咁二放幾條上面，唔特登搵黎係係唔覺有香草味既。(或者佢本身放左D係薄餅底，但我食唔出啦)所以個薄餅係靠其他餡同鋪面既芝士一
緊接而黎既就係"蝦哈芝心批"。呢個出左冇耐，就俾人拉左去嚐新。咁岩個日想食PIZZA，就跟左佢地去(但係你地幾時先肯陪我去食芝士七重奏呢...？)
我地個日個個係2人套餐黎既，入面包左兩杯野飲、兩個餐湯、一個粉/飯/沙律、一個大蝦哈芝心批，加埋好似$2XX。
個餐入面D野飲同湯都冇咩特別，都係大路野。只要佢應凍則凍，應熱則熱，都唔會有大問題既。
粉個到我地叫左個肉醬意粉，又係大路野。個醬酸酸甜甜咁，都幾開胃。醬汁都多，不過肉就唔係好覺。(都好，少肉健康D嘛)而且我覺得個意粉煮得偏軟腍了，缺少左D咬口。如果佢個意粉烚少幾分鐘可能會好DD。(我是喜歡有咬勁的東西。
終於黎到今日個主角：蝦哈芝心批，我地叫左帶子香草大蝦個款。
先講薄餅中間上既餡料，帶子只係急凍既細細粒帶子，蝦應該都係急凍個D，亦唔見得有幾大隻，已經預左呢兩樣野係會冇咩味。香草好似就只係嚮個薄餅焗完之後係咁二放幾條上面，唔特登搵黎係係唔覺有香草味既。(或者佢本身放左D係薄餅底，但我食唔出啦)所以個薄餅係靠其他餡同鋪面既芝士一齊食先帶出味既。所謂既其他餡就包括火腿絲、車厘茄、菠蘿、青椒同瑞士蔥。
火腿絲落得多，但係都係平價野，鹹鹹地，冇特別。
車厘茄夠新鮮同甜。菠蘿應該都係平時食既罐頭菠蘿，甜味居多。
青椒同瑞士蔥其實就唔係好覺，所以冇意見。
鋪面芝士就一貫既微鹹，OK！
如果一啖入面包晒咁多餡既話，就會食到酸酸地、甜甜地，又鹹鹹地咁，都OK既。但係就真係唔好對個帶子同大蝦有期望。
睇廣告話，佢呢個新批既賣點係批邊釀入龍蝦汁蝦丸同雙色芝士。
我覺得...個龍蝦汁蝦丸只係平時食開既龍蝦丸，仲要係平價個D，一D都唔特別。最特別既就係佢粒龍蝦太上面放左舊芝士粒，鹹鹹地，反而仲好食過本身粒蝦丸。
而個雙色芝士呢...我唔知係咪兩種唔同既車打芝士？(雖然我鍾意食芝士，但對芝士冇咩研究)我覺得橙色個隻芝士太鹹了，鹹出我可以接受既程度就算連埋個薄餅底一齊食都頂唔順如果呢個芝士邊冇咁鹹就好了。
仲有，我覺得呢個薄餅既底唔好食
平時食PIZZA HUT既薄餅縱然係厚批，都會有少少脆口，批邊脆脆地，幾好食。
但呢個呢...我覺得就好似平時食開既麵包咁，偏軟身既。所以如果淨係食雙色芝士個批邊既話，就好似平時係山崎買既細細個芝士包咁，仲要係偏鹹既
(我唔知正宗既薄餅底應該係點，只係覺得如果有得揀既話，我寧願要返平時食開既厚批薄餅，再加芝心批邊好似仲好食)
值得一提既係，依家叫餐有半價升級優惠，有D食物可以半價享用。見今餐冇咩菜落肚，就加多個烤雞田園沙律。($28，原價$56)
一上到黎，嘩，原來都幾大碟喎。除左面可見既各種生菜、車厘茄、青瓜、黑橄欖同甜黃椒粒外，個底仲有為數不少既椰菜絲。
佢D菜都算新鮮既，冇話變黃變苦既情況出現，沾D一齊上既黑醋汁酸酸地咁又幾開胃。
反而放面既雞就...不提也罷。
而個兩塊包...每人食左一啖就放低左，之後冇人再掂過...
如果就咁將呢個沙律當係一個田園沙律黎睇既話係OK既！(係忽視個D雞同個兩片麵包既情況下...)不過如果要原價既話我就唔會再叫啦
題外話/補充資料：
1. 個薄餅唔知係咪即叫即焗呢...佢上枱既時候係暖咋...所以扯唔到絲...失望=口=
2. 雖則叫做二人餐，但我地三個人加多個沙律都係食唔晒既，仲有兩塊薄餅剩。除左因為個薄餅係大批之外，味道一般都係一個主要因素...(除返開一人大約一百到...我都唔知算唔算抵食=口=)
(以上食評乃用戶個人意見 , 並不代表OpenRice之觀點。)
張貼
