富園

營業中

休息中

夜晚同鄰居開大食會，預備好晚餐啲材料之後，就出咗大埔諗住食個下午茶。其實呢間舖喺馬鞍山都有，大埔店又真係未試過，已經行到好肚餓，最後決定都係入去坐低涼，一涼冷氣過一降溫先。呢排食得太多沙嗲牛麵，實在唔想再食。見佢有中式粉麵湯河，就忍唔住嗌咗個腸腩河嚟試。初頭都諗住快食快走，都冇諗住出食評。但係碗腸腩河嚟到嘅時候，隻眼突然間bling咗一下。啲牛腩冇點特別部位，不過都肥瘦適中。啲牛腸中間都唔會有勁厚㗎肥膏，同埋佢有啲似係小腸嘅部位，好有趙口追聲唔少得原來佢個辣椒油，辣得來超爽有後勁，唔覺意食咗兩大羮。下次如果出開嚟買餸，又多一個唔錯嘅選擇。