新記煲仔雞粥 (已結業)

難得今日港鐵半價，所以搭西鐵去元朗搵好野食！元朗區實在太多選擇，應有盡有，最後揀左粥店，呢種天氣食粥唔會太熱。同男友兩個人要了貴妃雞粥，蠔仔粥，炸大腸，炸兩，手撕雞。貴妃雞粥，粥底唔會太水，軟綿綿。貴妃雞好滑，有少少咸味，應該醃完先煮粥。蠔仔粥，蠔仔好鮮甜，一啲都唔腥，如果再多少少蠔仔就完美了。炸大腸真係冇得輸，外皮爽脆，配埋甜酸醬更加好味！海哲手撕雞，撈埋芝麻醬都好好味。