影片
更多
2023-05-02
58 瀏覽
嚟馬鞍山探朋友，之後一齊落嚟 We Go Mall 食晏，朋友推薦地下呢間「Metro Asia 都薈亞軒」。餐廳走型格年輕路線，空間闊落，環境舒適，加上一室落地大玻璃和大量綠意盎然嘅植物，氣氛輕鬆，為繁忙嘅都市人提供難得嘅喘息空間。店舖主打泰國同越南特色美食，招牌菜式包括有海南雞、香濃咖喱及東南亞甜品等。點咗兩個 Set，每份套餐都配有頭盤、主菜及飲料，+$25 可享甜品一款。頭盤：脆炸蝦餅 (+$10)、泰式柚子沙律配鮮蝦 (+$10)蝦餅炸得好出色，外層炸粉唔會太厚，內裡有粒粒彈牙蝦肉，食落蝦味好濃郁，香脆不油。柚子沙律酸酸甜甜、帶微辣，清新又醒胃；大蝦鮮甜爽口，同柚子味道好夾。海南雞飯 ($78) 海南雞很嫩滑，雞皮爽彈唔肥膩，而且仲去晒骨，入口啖啖肉，好滋味。油飯軟硬剛好，帶微微雞油香，蘿蔔湯清熱下火，連醬汁都很有誠意。香煎海鮮蟹肉蒜片奄列 ($85) 奄列煎得好香口，大大件，厚度十足，切開見到裡面有蝦仁、魷魚粒同蟹肉等，用料豐富，入口啖啖味鮮，非常滿足，十分推薦。甜品：芒果糯米飯 (+$25)、焦糖香蕉印度烤餅 (+$25)，糯米飯煙韌軟熟，芒果甜美多汁，配上香濃椰漿
嚟馬鞍山探朋友，之後一齊落嚟 We Go Mall 食晏，朋友推薦地下呢間「Metro Asia 都薈亞軒」。
餐廳走型格年輕路線，空間闊落，環境舒適，加上一室落地大玻璃和大量綠意盎然嘅植物，氣氛輕鬆，為繁忙嘅都市人提供難得嘅喘息空間。
店舖主打泰國同越南特色美食，招牌菜式包括有海南雞、香濃咖喱及東南亞甜品等。點咗兩個 Set，每份套餐都配有頭盤、主菜及飲料，+$25 可享甜品一款。
頭盤：脆炸蝦餅 (+$10)、泰式柚子沙律配鮮蝦 (+$10)
蝦餅炸得好出色，外層炸粉唔會太厚，內裡有粒粒彈牙蝦肉，食落蝦味好濃郁，香脆不油。柚子沙律酸酸甜甜、帶微辣，清新又醒胃；大蝦鮮甜爽口，同柚子味道好夾。
海南雞飯 ($78) 海南雞很嫩滑，雞皮爽彈唔肥膩，而且仲去晒骨，入口啖啖肉，好滋味。油飯軟硬剛好，帶微微雞油香，蘿蔔湯清熱下火，連醬汁都很有誠意。
香煎海鮮蟹肉蒜片奄列 ($85) 奄列煎得好香口，大大件，厚度十足，切開見到裡面有蝦仁、魷魚粒同蟹肉等，用料豐富，入口啖啖味鮮，非常滿足，十分推薦。
甜品：芒果糯米飯 (+$25)、焦糖香蕉印度烤餅 (+$25)，糯米飯煙韌軟熟，芒果甜美多汁，配上香濃椰漿，口感一流！
烤餅水準亦唔錯，每件都夾有一片香蕉，配上面頭嘅焦糖同朱古力漿，更顯香氣迷人。
飲品：熱檸檬茶 (+$8)、泰式奶茶 (+$8)，熱檸茶消滯暖胃；奶茶茶底甘香，口感幼滑，且味道不太甜，值得一試。
張貼
