釜山炸雞批薩

營業中

休息中

好少過黎馬鞍山，今次朋友帶我黎呢間韓國菜，地點有啲難搵，要行出去新港城中心，天橋一過去就到，不過呢間店真係令我驚喜！味道好正！韓國炸雞雙拼（芝士🧀️+蜂蜜芥末）💰219服務員話係黎自韓國既雞🤤🤤特別好味！上黎好大一份！要左兩個味道，芝士味係我最愛！佢既芝士粉舖係面，新鮮熱辣聞到濃郁既芝士味；蜂蜜芥末配搭脆雞，好正！但要提下其實佢既雞真係唔錯，特別醃製過！原味都應該好食😆芝士蛋卷💰108拉絲既芝士蛋卷係最正！一定要趁佢熱既時候食，個芝士係最好食😋泡菜湯💰78必點既餐！就係最鍾意佢辣辣既湯，配上酸酸既泡菜，味道剛剛好，平時如果我飲完酒一定會黎一碗！呢度既味道真係正宗👍泡菜煎餅💰108新鮮煎出黎既泡菜煎餅！啖啖泡菜味，仲有微微焦既餅😆😆服務員全部都係韓國人！所以佢既菜式都好正宗！店面其實唔大，顯得好溫馨！播住韓國女團既歌，好似真係去左韓國咁☺️☺️