影片
更多
2024-07-26
409 瀏覽
2024年7月18日 星期四呢排報稱美食沙漠既馬鞍山好似開咗幾間新餐廳，一向為食嘅我當然要嚟試吓，所以就嚟咗呢一間專食pancake嘅餐廳好好彩一去到仲有位坐，遲少少就已經開始要排隊，餐牌裏面有好多食物可以選擇，打開第一頁就已經係唔同款式嘅pancake，最吸引我嘅就係新登場既蜜瓜疏乎厘，即刻就落咗單，至於其他主食睇圖片賣相都唔錯，而且價錢都唔算太貴，最後要咗一份疏乎厘、一份意粉、一份吐司同兩杯飲品等咗一陣飲品就首先送到，老婆要嘅係蜜瓜在沙冰降溫時，其實係蜜瓜沙冰，中間嗰一層白色嘅就係忌廉，飲品上面仲加咗兩片蜜瓜添，賣相唔錯，沙冰整得好幼滑，溝埋忌廉一齊飲都唔覺得太甜，每一啖都飲到蜜瓜嘅甜味至於我就要咗漂浮士多啤梨梳打，真係見到有幾粒士多啤梨喺飲品裏面飄浮緊，其實係士多啤梨乾，飲落去清清涼涼，成個人即時冰涼晒，甜度啱啱好跟住有Lotus海鹽焦糖法式吐司，個吐司整得好鬆軟，一切就切得開，加埋上面嘅雲呢拿雪糕同下面嘅海鹽焦糖一齊食，一冷一熱無論係口感或者味道都好高質，就連作為配菜嘅香蕉都整成焦糖化，食到我哋停唔到口到咗主菜，係蕃茄海鮮扁意粉，冇諗到主打係pancake同疏乎厘嘅餐廳都可以將
呢排報稱美食沙漠既馬鞍山好似開咗幾間新餐廳，一向為食嘅我當然要嚟試吓，所以就嚟咗呢一間專食pancake嘅餐廳
好好彩一去到仲有位坐，遲少少就已經開始要排隊，餐牌裏面有好多食物可以選擇，打開第一頁就已經係唔同款式嘅pancake，最吸引我嘅就係新登場既蜜瓜疏乎厘，即刻就落咗單，至於其他主食睇圖片賣相都唔錯，而且價錢都唔算太貴，最後要咗一份疏乎厘、一份意粉、一份吐司同兩杯飲品
等咗一陣飲品就首先送到，老婆要嘅係蜜瓜在沙冰降溫時，其實係蜜瓜沙冰，中間嗰一層白色嘅就係忌廉，飲品上面仲加咗兩片蜜瓜添，賣相唔錯，沙冰整得好幼滑，溝埋忌廉一齊飲都唔覺得太甜，每一啖都飲到蜜瓜嘅甜味
至於我就要咗漂浮士多啤梨梳打，真係見到有幾粒士多啤梨喺飲品裏面飄浮緊，其實係士多啤梨乾，飲落去清清涼涼，成個人即時冰涼晒，甜度啱啱好
跟住有Lotus海鹽焦糖法式吐司，個吐司整得好鬆軟，一切就切得開，加埋上面嘅雲呢拿雪糕同下面嘅海鹽焦糖一齊食，一冷一熱無論係口感或者味道都好高質，就連作為配菜嘅香蕉都整成焦糖化，食到我哋停唔到口
到咗主菜，係蕃茄海鮮扁意粉，冇諗到主打係pancake同疏乎厘嘅餐廳都可以將意粉整到咁高質，意粉煮得啱啱好，有咬口唔會太腍，而且好掛汁，蕃茄醬汁好濃郁，唔會好似某一啲餐廳咁整到咁稀，加上成碟意粉有好多海鮮，有青口、蝦同八爪魚仔，係我食過咁多間餐廳以嚟海鮮份量最多嘅，每一啖都食到意粉同海鮮，十分滿足
最後當然唔少得呢一個蜜瓜疏乎厘，淨係賣相已經可以打卡，職員仲好貼心俾咗一張卡仔我哋，上面寫得好清楚成個菜式各項配料係咩嚟，原來大部份都係有蜜瓜成份，無論係放喺疏乎厘上面嘅蜜瓜芝士泡沫、蜜瓜忌廉，甚至係啫喱都係蜜瓜味道，疏乎厘好鬆化，好似食緊空氣咁，配埋蜜瓜芝士泡沫同蜜瓜忌廉一齊食更加滋味，上面仲有一塊蜜瓜脆餅，十分香脆
整體上各個菜式都十分高質，期待下一次再試其他唔同嘅疏乎厘！！
張貼
