La Rosabelle Bar & Grill

營業中

休息中

個人鍾情希臘菜嘅主因係因為佢哋食得好clean，keep到食材原始味道唔會過量調味。加上沿海關係主要以海鮮為主，日常攝取嘅都係優質又低卡嘅蛋白，睇希臘個個男精壯女窈窕就知咩料啦！不過思緒返返嚟香港，地中海俊男美女就冇嘞，食反而仲有得諗！上個星期入馬灣陽光與海灘，就遇上一間價錢經濟，又有holiday mood嘅地中海餐廳！其中私心最愛係佢個 #Hummus ，其實唔係咩難度菜，不過佢個泥蓉質感拿捏得剛好，欖欖油亦好香，hummus fans 必試！另外餐廳嘅自家製 Mezze Platter #自家製四式泥薯 都幾吸引，不過好大份所以冇叫到，相信都值得try try！其他佢嘅pasta 都有驚喜，好creamy又大份。另外肉類有雞串燒同西冷，前者有驚喜！雞肉一向要燒得香口但唔乾係好考功夫，簡單一串雞肉串都可以燒到咁外香脆而內柔軟juicy ，出色！至於西冷亦然，表層微焦但切開仍見到不過就稍為多筯咗啲。