蘇媽.蘇媽馬來西亞茶餐室 (已結業)

馬來西亞同新加坡都有肉骨茶，我個人就比較喜歡馬來西亞版本，重藥材味，唔會重胡椒辣味。呢間餐廳只要叫完一份肉骨茶就可以任加佢既飲，好抵飲，性價比極高，我地二人叫左份豬腳肉骨茶，又有得食又有得飲，重藥材味，補一補個身。咖央牛油多士烤得剛剛好，少脆又不熱氣，咖央少甜香口，有濃郁的椰香、蛋香以及斑蘭葉的獨特香氣。巴東牛肉撈麵有好多牛肉，一隻水煮半熟蛋。用馬來西亞甜鼓油撈上炒麵，巴東醬用上香料、椰奶和辣椒製作，非常香口。叫埋杯榴槤及斑蘭飲品，非常特別，榴槤及斑蘭味重，不算太甜。滿足滿足。