Via Tokyo (已結業)

食完飯想食下甜品，但尖沙咀出名嘅甜品舖都好多，今次就想解下油膩，食抹茶好出名嘅幾via tokyo!叫左糯米糍抹茶牛奶雪糕、白玉抹茶牛奶雪糕、抹茶雪糕affagato,嚟到呢度當然就食抹茶雪糕啦，糯米糍軟硬適中唔會話雪得太硬，煙煙韌韌好好食，可以中和一下抹茶雪糕嘅味道。affagato的綠茶醬淋上雪糕面，醬比抺茶雪糕甜啲滑啲，令到層次更加豐富，不過冇白玉同其他小配料就顯得稍微悶左。冇得輸嘅當然就係抹茶雪糕，雖然比起焙茶口味會甜少少，但質地軟滑，有好濃郁的抹茶味，牛奶同抺茶比例啱啱好，唔會太苦又唔會太甜，兩個唔會互相遮左對方，揀咗同牛奶雪糕一半嘅混合味道就更加豐富好食，唔會得雪糕一隻味咁單調，個人比較鍾意混合味道嘅配搭。解膩一流又留有茶的清香。不過最後尖沙咀的確夜晚比較多人，所以揀嘅地方就會比較擠迫同多人等位。