三公台灣料理 (已結業)

由細食到大，屬於我嘅Comfort food係沙嗲牛肉。無論早餐沙嗲牛肉麵，或者夜晚黑嘅沙嗲牛肉打邊爐，我都一樣咁鍾意！喺旺角鬧市中有間高質沙嗲牛岩漿火鍋！一打開門已經陣陣沙嗲香氣，店內放滿許多Bearbrick, 顏色鮮艷、色彩奪目，配以木色枱凳，感覺好舒適😃我同朋友點了《台灣岩漿溫體牛肉火鍋》 牛肉有三種，分別是牛頸脊、牛小排、牛面肉🤩我最喜歡食牛㗎啦，份量十足😃😃😃好開心，而其他配料分別有台灣蛋餃、燕餃、豆卜、娃娃菜、生菜及金菇，仲有同沙嗲牛肉係好好朋友嘅大光麵🤤牛肉中～比較嫩的是牛頸脊，非常有牛味是牛面肉，而肉質感最好的是牛小排，燕餃和蛋餃都很好吃，外皮煙靭，如果想有滿滿嘅飽腹感，可以加$33任食牛肉。豆卜索了湯汁超濃味，最後加埋吸咗香濃湯汁的大光麵，為呢餐畫上完美嘅句號。🥹🥹🥹實在太滿足了！個人建議加多啲湯先落個麵落去。食評總結：超滿足的沙嗲牛肉火鍋，除咗牛肉份量足夠，其他配料都好食，店內環境舒適可以慢慢坐低傾吓偈，我都好耐冇食過大光面，食完回憶都返晒嚟，餐廳位置好方便，油麻地站會比較近。