刕舙馫麵館 (已結業)

朋友今日生日,我地去逛左陣街之後就去搵野食,順便食個生日飯。由於未出糧,朋友都體諒我唔食咁貴,就去左間刀削麵店食野。呢間刀削麵店位於紅磡民裕街(紅磡廣場後面),一入到去已經逼滿左人。好彩仲有位剩。我地點叫以下幾樣野食:麻辣牛展刀削麵-牛展味道香濃,每片都切得很薄,刀削麵入口彈牙,一咬即斷。麻辣牛肋條刀削麵-牛肋條較有咬口，有啲帶筋既位會有啲爽口,刀削麵一樣。麻辣炸雞髀-雞髀大大牌,超過一個手掌大,雞髀香脆可口,雞肉大大淡帶肉汁,感覺好抵食,我同朋友兩個人分先岩岩好食得哂。