車站豆腐花

營業中

休息中

嚟到大澳，食完巨型魷魚之後行咗一分鐘都冇就見到車站豆腐花，佢咁出名，當然入咗去食一食。喺遠處就見到舖頭個招牌，完全唔難揾。店舖售賣中式糖水，選擇唔算多，都係豆腐花、芝麻糊、杏仁糊同腰果糊四種，不過勝在可以搭配。佢每一張枱上面都放咗糖同薑水，等食客自己加。我地揀咗豆腐花同豆腐花拼芝麻糊，喺豆腐花未加糖同薑水既時候試咗一啖，豆腐花好滑好香豆味，已經覺得好正。，雖然加咗唔係好多，但d薑味出哂嚟，不過因為本身薑水都甜甜地，所以個人覺得即使唔加糖都夠甜。另外仲叫咗豆腐花併芝麻糊，佢地既芝麻糊口感幼滑，味道香濃，都係整得好有誠意。食完呢兩款，都想試下杏仁糊同腰果糊，所以下次嚟大澳一定會再幫襯！