西貢越南真味

營業中

休息中

出開九龍城做野做到有d晏，夜晚就喺附近簡單食一餐。同朋友不約而同想食越南野，於是揀咗越式餐廳。餐廳裝潢簡簡單單，餐牌中英對照。我地點咗海南雞飯（＄68）同埋鮮蝦蟹膏扎肉湯檬（＄78），一杯食椰汁系列飲品，另一杯就係熱檸茶。朋友既扎肉湯檬比想像中大碗，而且非常足料，蝦都有好多隻，湯底酸酸甜甜好開胃~我既海南雞飯都唔錯，有成隻雞下脾，而雞肉就皮嫩肉滑。至於碗飯都好夠味，每啖飯加少少醬料食，冇餸都會食哂成碗飯呀。