影片
更多
2022-10-09
137 瀏覽
本人勁中意食韓國菜，之前同同事食過一次lunch，覺得唔錯，於是今次帶埋朋友嚟食晚市。🤤🤤🤤我哋叫左鐵板小章魚五花肉、豬手、醬油蟹、生牛肉、蛋卷。一入嚟店員就會上小菜，泡菜偏酸，其他嘅豆芽菜幾好食，個鵪鶉蛋食落似鐵蛋，就唔太啱我哋口味啦😅第一道上嘅係生牛肉，我同另一位友人都中意冒險食生嘢，所以叫左嚟試。將蛋黃篤穿，蛋汁混和牛肉同梨，一啖食落口感似平時食嘅吞拿魚刺身，冇乜令人好怕嘅牛腥味同血味，反而芝麻油味同梨嘅甜令碟生牛肉好加分，唔錯👍🏻👍🏻👍🏻然後係醬油蟹，我係香港都搵唔到好食嘅醬油蟹，上次仲係間香港幾出名嘅韓國餐廳食到未退冰嘅醬油蟹….今次都抱持一試嘅心態再食醬油蟹，今次隻醬油蟹好好食，係我多年前係韓國食到嘅味道，非常多膏，個醬油係偏甜，蟹肉都鮮甜，撈飯一流！👍🏻👍🏻👍🏻個豬手整得幾好，肥瘦相宜，脂肪嘅部分唔會令人覺得好油膩，反而有啲彈牙，烤過嘅香味都幾明顯，瘦肉都唔會柴，用生菜蒜頭包住食好正！👍🏻👍🏻👍🏻係個蝦醬太鹹我唔識欣賞😂😂😂雞蛋卷我覺得一般啦，一開始我哋以為係厚厚嘅雞蛋卷，但原來係蛋皮包住生菜等配料，口感係豐富，但個人中意厚實嘅蛋卷多啲。然後係朋友中意嘅鐵板烤小章魚五花肉
我哋叫左鐵板小章魚五花肉、豬手、醬油蟹、生牛肉、蛋卷。
一入嚟店員就會上小菜，泡菜偏酸，其他嘅豆芽菜幾好食，個鵪鶉蛋食落似鐵蛋，就唔太啱我哋口味啦😅
第一道上嘅係生牛肉，我同另一位友人都中意冒險食生嘢，所以叫左嚟試。將蛋黃篤穿，蛋汁混和牛肉同梨，一啖食落口感似平時食嘅吞拿魚刺身，冇乜令人好怕嘅牛腥味同血味，反而芝麻油味同梨嘅甜令碟生牛肉好加分，唔錯👍🏻👍🏻👍🏻
然後係醬油蟹，我係香港都搵唔到好食嘅醬油蟹，上次仲係間香港幾出名嘅韓國餐廳食到未退冰嘅醬油蟹….今次都抱持一試嘅心態再食醬油蟹，今次隻醬油蟹好好食，係我多年前係韓國食到嘅味道，非常多膏，個醬油係偏甜，蟹肉都鮮甜，撈飯一流！👍🏻👍🏻👍🏻
個豬手整得幾好，肥瘦相宜，脂肪嘅部分唔會令人覺得好油膩，反而有啲彈牙，烤過嘅香味都幾明顯，瘦肉都唔會柴，用生菜蒜頭包住食好正！👍🏻👍🏻👍🏻係個蝦醬太鹹我唔識欣賞😂😂😂
雞蛋卷我覺得一般啦，一開始我哋以為係厚厚嘅雞蛋卷，但原來係蛋皮包住生菜等配料，口感係豐富，但個人中意厚實嘅蛋卷多啲。
然後係朋友中意嘅鐵板烤小章魚五花肉，一開始店員上枱果陣幫手落左蔬菜，然後就走左。我哋都諗緊係咪要自己炒，但都見店員較忙，咁就唯有自己動手啦！味道就係韓國辣醬味，五花肉太肥，食唔到其他食材嘅味，所以我就唔太推薦啦😂
上次午膳食嘅大醬湯、泡菜湯同鮑魚人參雞湯真心唔錯，今次餐飯都可以，中意韓國菜嘅你依家未去到韓國，就嚟呢度試下啦！
蜂蜜梨汁生牛肉
9 瀏覽
0 讚好
0 留言
豬手
5 瀏覽
0 讚好
0 留言
50cm韓式雞蛋卷
2 瀏覽
0 讚好
0 留言
張貼
