點心到 MIX·大排檔

營業中

休息中

旺角金雞廣場香港製造嘅點心，真心彈牙好食啲肉好實淨。蝦餃同燒賣，鵪鶉蛋燒賣/牛肉球，蝦同餡料都好彈牙好實淨。個皮都好薄。同平時去飲茶嗰啲普通點心真係唔同啲。肉質食得出足料，唔係好多澱粉。另外黑松露餃都好特別好香黑松露味，入面多樣餡料，味道層次豐富。唯一就係佢個外型雖然特別，但係夾落去舊肉同個皮會容易跌出嚟。哈哈。最搞笑係食黑金流沙包，一夾落去呢就流出嚟啦唔小心，真係熱辣辣，個包鬆軟，但係有咬口。整體上真係幾好食質素唔錯。不過Tea time真係好多人排隊如果想早啲入到去就要早啲去。