影片
更多
2024-05-19
237 瀏覽
GG今日心情大好😁😁😁，約埋frd行下尖沙咀，唔經唔意就去左佐敦，行左成三、四個鐘，肚仔餓、腳仔軟🪫，決定食個🇭🇰港式tea補充下能量🔋呢間港式茶餐廳裝橫好光鮮同新淨，menu仲好多選擇，有成十幾頁厚，搞到有選擇困難嘅GG揀左好耐，好在啲店員都好nice，唔會催人落單😇📌薯條+吉列魚柳$39 配 特飲紅豆冰$9係好經典嘅波浪紋薯條，加上有一隻手掌咁大嘅吉列魚柳，岩岩炸起，上枱時熱辣辣好脆口，滿足左GG食炸野嘅慾望。🤪杯紅豆冰唔會勁多冰，紅豆又綿身，粒粒分明👍🏻📌萄汁焗海鮮飯$66 配 凍奶茶$5睇落細細盤，但係個盤都幾深，飯量勁充足，海鮮都唔hea，有蝦、魷魚仔、魚柳、蟹柳，舖滿左飯面，仲有兩大舊焗到金黃色嘅薯仔，配上萄汁、芝士同炒飯底，成件事即刻豐富左。🥰個凍奶茶係Top1🥇🏆之選，奶茶比例剛好，香味突出，非常有港式奶茶味道。📌焗咖哩雞扒意粉$62 配 凍檸茶$5首先要讚一讚個流心嘅太陽蛋🌞，放喺意粉上面好吸睛。塊雞扒煎香左，雞皮煎到脆邊，雞肉黑椒味濃郁，配埋辣辣地嘅咖哩一齊食好惹味。凍檸茶亦係大方版本，俾左成4、5塊檸檬，好夠味。🍋🍋🍋😍📌菠蘿包$8GG見到包盤果度得返一個菠蘿包，
呢間港式茶餐廳裝橫好光鮮同新淨，menu仲好多選擇，有成十幾頁厚，搞到有選擇困難嘅GG揀左好耐，好在啲店員都好nice，唔會催人落單😇
📌薯條+吉列魚柳$39 配 特飲紅豆冰$9
係好經典嘅波浪紋薯條，加上有一隻手掌咁大嘅吉列魚柳，岩岩炸起，上枱時熱辣辣好脆口，滿足左GG食炸野嘅慾望。🤪
杯紅豆冰唔會勁多冰，紅豆又綿身，粒粒分明👍🏻
📌萄汁焗海鮮飯$66 配 凍奶茶$5
睇落細細盤，但係個盤都幾深，飯量勁充足，海鮮都唔hea，有蝦、魷魚仔、魚柳、蟹柳，舖滿左飯面，仲有兩大舊焗到金黃色嘅薯仔，配上萄汁、芝士同炒飯底，成件事即刻豐富左。🥰
個凍奶茶係Top1🥇🏆之選，奶茶比例剛好，香味突出，非常有港式奶茶味道。
📌焗咖哩雞扒意粉$62 配 凍檸茶$5
首先要讚一讚個流心嘅太陽蛋🌞，放喺意粉上面好吸睛。塊雞扒煎香左，雞皮煎到脆邊，雞肉黑椒味濃郁，配埋辣辣地嘅咖哩一齊食好惹味。
凍檸茶亦係大方版本，俾左成4、5塊檸檬，好夠味。🍋🍋🍋😍
📌菠蘿包$8
GG見到包盤果度得返一個菠蘿包，心諗實好受歡迎，一定係好野，於是唔執輸都即刻叫左個做飯後甜品。
果然，個包勁真材實料，上面啲皮好脆，甜甜地，個包係實的的，唔似平時買到果d咁得空氣🫧甘呃秤，所以其實食完都幾飽肚ga😂
PS. 最後要讚一讚佢哋嘅紙飲管，超實淨😂 浸左成9個字都無變軟，仲可以當匙羹咁筆啲紅豆黎食，好感動，亦都唔會變味，顛覆咗近排對於紙飲管嘅感覺，正所謂「明就明，唔明就黎明」😜😜😜相信佢哋都花咗啲心機去挑選最好嘅俾顧客
食飽飽，叉足電，又可以行下隔離廟街再行消化下✌🏻
📍友喜冰室 (佐敦)
佐敦佐敦道37E-37H號統一大廈地下G1, G3, G4及G5號舖
#佐敦
#廟街
#香港茶餐廳
#友喜冰室
#香港茶餐廳文化
張貼
