影片
更多
2022-02-10
1710 瀏覽
有咩會令我特登去一轉彩虹呢？就係正宗台式臭豆腐啦！台灣街頭小食之中，我最鍾意就係臭豆腐，素食者行夜市通常都係食臭豆腐，不過香港一直都食唔到！終於俾我發現「丁爸食府」有台式炸豆腐食，仲好夠臭又配埋台式泡菜和辣汁，風味一流滿足晒台式臭豆腐癮！彩虹站C2出口出去轉個彎就會見到一堆屋村食店，充滿地道風土味，其中一間就係丁爸食府。唔好睇佢裝修簡約又無堂食座位，一入門口已經聞到強勁臭豆腐味。更犀利係入選2022年米芝蓮推介。牆上面有手寫餐牌，好有街坊風情。或者可以行去櫃台拎張紙仔直接畫，素食者要留意返這間並非素食店，嚴格素食者自行斟酌。方便素食選項如下：手抓餅 / 可以加超司、玉米蛋餅 / 可加起司、玉米，入面有炸油條韭菜盒子 / 內有雞蛋、粉絲和韭菜滷筍絲滷油豆腐 (4塊)滷蛋 (2顆)炸臭豆腐炸臭豆腐 HK$50價錢係台灣夜市價直接轉做港幣，不過以香港物價來說都尚算抵食，重點係全香港只有這裡吃到！臭豆腐配台式泡菜和一個辣汁，因為我由彩虹買外賣返去大角咀食，所以豆腐浸腍左少少，同去夜市買返酒店食差唔多啦。份量好夠，汁有辣度，泡菜唔算太酸，令人非常滿意和一定會再去買來食。滷油豆腐 HK$20(4塊
有咩會令我特登去一轉彩虹呢？就係正宗台式臭豆腐啦！
台灣街頭小食之中，我最鍾意就係臭豆腐，素食者行夜市通常都係食臭豆腐，不過香港一直都食唔到！終於俾我發現「丁爸食府」有台式炸豆腐食，仲好夠臭又配埋台式泡菜和辣汁，風味一流滿足晒台式臭豆腐癮！
彩虹站C2出口出去轉個彎就會見到一堆屋村食店，充滿地道風土味，其中一間就係丁爸食府。
唔好睇佢裝修簡約又無堂食座位，一入門口已經聞到強勁臭豆腐味。
更犀利係入選2022年米芝蓮推介。
牆上面有手寫餐牌，好有街坊風情。
或者可以行去櫃台拎張紙仔直接畫，素食者要留意返這間並非素食店，嚴格素食者自行斟酌。
方便素食選項如下：
手抓餅 / 可以加超司、玉米
蛋餅 / 可加起司、玉米，入面有炸油條
韭菜盒子 / 內有雞蛋、粉絲和韭菜
滷筍絲
滷油豆腐 (4塊)
滷蛋 (2顆)
炸臭豆腐
炸臭豆腐 HK$50
價錢係台灣夜市價直接轉做港幣，不過以香港物價來說都尚算抵食，重點係全香港只有這裡吃到！臭豆腐配台式泡菜和一個辣汁，因為我由彩虹買外賣返去大角咀食，所以豆腐浸腍左少少，同去夜市買返酒店食差唔多啦。份量好夠，汁有辣度，泡菜唔算太酸，令人非常滿意和一定會再去買來食。
滷油豆腐 HK$20(4塊) / 滷蛋 HK$15(2顆) / 韭菜盒子 HK$25
滷水系列當然都要試試，滷水汁食落都唔覺有肉味，味道都唔會重藥材味，都幾香又好味。豆腐係用油豆腐來滷，中間軟嫩夠入味，滷蛋吃起來都像台式小店那種。
韭菜盒子入面有雞蛋、粉絲和韭菜，味道非常有驚喜！我覺得好食過我之前去台灣吃過的店，尤其個餅皮雖然凍左都仲好咬又好味，韭菜餡亦份量十足。我見之前的餐紙有得買冷凍版，但係宜家無左，仲諗住下次去買幾隻擺雪櫃添！
炸臭豆腐真係台灣味十足！我一定會再去買來吃，下次還要試蛋餅和米漿，韭菜盒和滷水系列都可以encore。
張貼
