影片
更多
2021-07-05
81 瀏覽
發現新的純素薄餅，即刻集個郵打卡先！放假去將軍澳澳南海岸行下，這一帶越來越多好靚的Cafe和餐廳，The Pizza Pig 就是其中一間。打開餐牌發現都幾多素食，竟然仲有純素薄餅，當然即刻要試下！在海邊的餐廳也要加點港灣風情，藍白配色充滿度假風，門口這個位方便帶寵物用餐，打卡仲幾靚添。餐廳面積都幾大，一家大細來食都無問題，近門口這邊可以望到半開放式廚房，睇下pizza點樣焗出來。靠窗的位置採光好，望住出面的樹景吃飯都特別寫意。餐廳有各種不同的座位，有卡位檯也有半圓位置。中間這個藍色圓拱形都幾有希臘風情。出面成四十度，坐低當然先望下有甚麼夏日特爽，這四款看起來都蠻好喝，色彩繽紛的，有無酒精都有選擇。餐牌上面都唔少有綠葉標記的餐點，食素的朋友來到都唔驚無野食。主菜都有 Impossible Burger 呢。Passion Apple HK$58 / Minty Grape HK$58粉紅色的是熱情果+蘋果+桃+士多啤梨，果汁果肉打成冰沙，酸酸甜甜果香十足。綠色的是薄荷+提子+青檸+蘋果汁+蜜糖柚子，飲起來好清新，味道好豐富。Green Pig Omnipork HK$168食薄餅通常都
發現新的純素薄餅，即刻集個郵打卡先！
放假去將軍澳澳南海岸行下，這一帶越來越多好靚的Cafe和餐廳，The Pizza Pig 就是其中一間。打開餐牌發現都幾多素食，竟然仲有純素薄餅，當然即刻要試下！
在海邊的餐廳也要加點港灣風情，藍白配色充滿度假風，門口這個位方便帶寵物用餐，打卡仲幾靚添。
餐廳面積都幾大，一家大細來食都無問題，近門口這邊可以望到半開放式廚房，睇下pizza點樣焗出來。
靠窗的位置採光好，望住出面的樹景吃飯都特別寫意。
餐廳有各種不同的座位，有卡位檯也有半圓位置。
中間這個藍色圓拱形都幾有希臘風情。
出面成四十度，坐低當然先望下有甚麼夏日特爽，這四款看起來都蠻好喝，色彩繽紛的，有無酒精都有選擇。
餐牌上面都唔少有綠葉標記的餐點，食素的朋友來到都唔驚無野食。
主菜都有 Impossible Burger 呢。
Passion Apple HK$58 / Minty Grape HK$58
粉紅色的是熱情果+蘋果+桃+士多啤梨，果汁果肉打成冰沙，酸酸甜甜果香十足。綠色的是薄荷+提子+青檸+蘋果汁+蜜糖柚子，飲起來好清新，味道好豐富。
Green Pig Omnipork HK$168
食薄餅通常都有素食選擇，最基本的Margherita或者幾重芝士，但竟然俾我發現有新豬肉pizza，望清楚連芝士都轉埋純素，當然好奇心大發要試試看。長方形薄餅批底夠薄脆，番茄醬清香，新豬肉都幾足料，這個純素芝士都做到半溶效果，整體味道都唔錯，想食純素pizza可以來試試。
Spinach & Artichoke Cheese Dip HK$128
本來想食我最愛的Burrata Cheese，可惜剛好無貨，所以試下這個新奇雅枝竹 Dip，佢其實係一個用蔬菜和芝士打成的醬，配麵包食或者點薯條都可以。個醬油分充足，味道濃郁，直接食可能太重口味，但配麵包就剛剛好。
Grilled USDA Prime Filet Mignon HK$328
朋友吃牛扒，配菜份量都幾多，又有烤番茄和洋蔥都幾正。我偷食個薯條覺得好脆好好食喎，有水準呀下。
這間餐廳的餐點份量都幾大，完全係外國人胃口，真係幾適合一家大細或者幾個朋友來食，分享吃最開心。
Tiramisu HK$88
連甜品都好大舊，Tiramisu 口感好好，有咖啡味有芝士味有蛋味，味道略甜，整體來說我都幾滿意。
將軍澳澳南海岸這一帶其實真係幾悠閒舒服，放假約朋友去海邊餐廳食個純素薄餅，已經係會令人滿足的生活小確幸。
張貼
