聯發茶餐廳

營業中

休息中

聯發茶餐廳 (九龍城)九龍城侯王道2-4號地下1號舖發哥成日去之茶餐廳，食物高質，茶餐廳嘅價錢仲有機會撞到發哥，九龍城除左出名泰國野之外，聯發都係九龍食必食既野。人山海海，最出名既就係蛋旋風炒飯又或者滑蛋叉燒飯，半熟蛋滑嫩唔油，賣相吸引，飯量很多，建議可以嗌少飯，少飯可以撈到多d既蛋同蛋汁 哈～飲品方面奶茶檸茶都不錯，靚茶㡳，茶濃好飲。北菇雞杞子煲仔飯而家好多舖頭都冇煲仔飯食lu，估唔到呢度都有，即叫即整嘅煲仔飯，香氣撲鼻，仲有特製嘅豉油，帶少少甜味，最正就係佢啲飯蕉，係可以一大塊括出嚟嘅飯蕉，雞件非常嫩滑，份量多，低調高手煲仔飯。有時會專登搵煲仔飯食，其實唔使，呢度已經好好食。雪糕咖啡 巴西哥倫比亞蘇門答臘呢度仲有雪糕加咖啡，有時嚟呢度食甜品都不錯㗎。職員態度有禮，唔會催人落單，同埋真係好efficient，唔會漏單之餘上菜好快，遊客朝勝之地，黎香港茶餐廳就最能感受到香港獨有既文化-快狠準，聯發除此之外，仲能有機會令人遇到香港文化產物-周潤發。點可以錯過。