萍萍上海館

營業中

休息中

今日喺附近忙完，所以過咗嚟呢間上海菜館食嘢。餐廳嘅菜式都幾多選擇，有小菜、冷盤、甜品、點心、飯、麵、年糕餐等等，花多眼亂。🤣咩都想食嘅我叫咗四樣嘢。➡️套餐：酸辣湯麵+小籠包（4件）鍋貼（4件）雞絲粉皮我都怕自己食唔曬咁多嘢，所以酸辣湯麵嗌咗少麵。。。（最後都係飽到捧住個肚走🫄）碗麵一上枱，我嘩咗一聲😆：咁大碗（係咪真係少左麵架？）酸辣湯香味撲鼻，柔滑的幼麵，木耳絲、豆腐增添層次，微辣提鮮不嗆喉，酸酸辣辣十分開胃，暖胃的經典滋味。雞絲粉皮，粉皮透薄，滑嫩彈牙，花生醬醬汁濃郁，搭配青瓜絲既清爽口感同埋雞絲，味道層次分明。小籠包自家製作，即叫即蒸，需要約15分鐘時間，上枱熱辣辣，皮和餡嘅比例適中，湯汁鮮美，一口咬下，流出嚟嘅湯汁足足有半湯匙🤪，回味無窮。鍋貼真係好有內涵🤣表面平平無奇，原來金黃焦香的脆底收埋係底，肉汁雖然唔似小籠包咁漏出嚟，但飽滿鮮甜，蘸上醋辣更添層次，個人覺得比小籠包更有魅力（鍾意脆口❤️）。店舖需小，但十分繁忙，店員的態度非常良好值得一讚，加上半開放式嘅廚房，絕對不擔心衛生問題。