柏屋

米芝蓮二星⭐️⭐️懷石料理☘️


五月份菜單主題係端午節，今次有9道菜，由於包糭嘅葉係綠色，所以大部份食物都加入綠色元素，每款食材都係由日本空運到港。


首先，第一道前菜已經好精緻，係炙燒鱧魚，醬汁有紫蘇葉配山葵酢煮果凍，味道非常清新，令人開胃。


而我最鍾意個鉢物，係日本和牛加羊肚菌，牛味非常濃郁，加上菌味醬汁，一試難忘。


懷石料理精粹當然係季節性食材、精美擺盤同器皿都決一不可，加上服務員對每個菜式都會細心講解，值得一試。