章記香港仔魚蛋王

營業中

休息中

牛腩魚蛋麵走蔥，啲腩幾肥 ﹗每次我都要咬晒出黎先頂得住，雖則話牛腩越肥越好食、唔肥就唔香唔滑唔棉，我都知。牛腩味濃質嫰，滿意，只係肥膏部份佔多囉。魚蛋大路，不過不失，唔難食囉，牛什比魚蛋出色。湯底香濃美味，但飲左既副作用就係頸渴囉，可否唔落味精，真材實料囉？我真係唔介意比多啲錢，最緊要好味 ﹗牛什麵走蔥，滷水夠晒入味，金錢肚爽、牛膀香又棉、牛腸皮脆肉嫰滑溜溜，好味。麵質保持爽口，不過腍，接受。牛什伊麵走蔥，我最喜歡食伊麵。牛腸、牛肺、牛膀、毛肚、金錢肚都無得彈，係食完有飲多兩杯水囉。伊麵不錯，都夠水準，如果能夠更嚥靭彈牙就更好啦。