港式風味連鎖茶餐廳 屋企附近總有一間🤪
品質穩定有保證💯超鐘意食佢地既奶油豬❣️
早兩日去開東薈城行街 行完就順便去左翠華醫肚~
🏆冠軍焗豬扒飯
真心講如果要揀某間茶餐廳既焗豬同翠華既焗豬
我一定揀翠華🫣呢度既豬扒超大塊啖啖肉！
食落夠腍~面頭既𝐌𝐨𝐳𝐳𝐚𝐫𝐞𝐥𝐥𝐚 𝐂𝐡𝐞𝐞𝐬𝐞做到拉絲效果
最緊要係個蕃茄汁🥫濃味得黎唔酸
加埋粒粒分明既蛋炒飯底真係冇得輸👍🏻
🐔瑞士雞翼
齋睇個樣都知係超級入味‼️唔會過咸/過甜
味道啱啱好🤤欣賞佢炆咁耐食落口依然超𝐣𝐮𝐢𝐜𝐲
🏅神之叉燒飯
翠華必食之一‼️半肥瘦既厚切叉燒跟少少脆燶邊
叉燒超入味之餘食落完全唔嚡口🤩
連埋超嫩滑既炒滑蛋+甜豉油一齊食真係胃口大開😋
2
🧈脆嘩奶油豬
每次黎翠華都一定會食😝即叫即烘熱辣辣
外皮超級酥脆！配埋煉奶牛油真係超邪惡😈
🧋凍香滑奶茶
翠華個奶茶真係好好飲❣️
黑白全脂淡奶混合濃厚茶底 香滑順口
