影片
更多
2020-03-10
30 瀏覽
環境好日系，有好多櫻花燈籠同日本動漫擺設裝飾，播放好多日本歌，感覺好舒適，座位坐得舒服，坐窗邊仲可以邊食邊睇彌敦道街景。黑松露炒烏冬 $58炒烏冬個醬汁好特別，甜甜酸酸，有啲似燒汁，撈埋黑松露醬，非常惹味，係本店必食之一。甲羅燒 $78三重奏: 蟹子+蟹肉+蟹膏 撈埋一齊再塗上烘過的多士食， 蟹膏味非常濃郁，唔會過鹹，個人覺得好食過鵝肝多士。提一提呢個一定要趁熱食，多士先夠脆。煙肉荔枝卷 $38煙肉燒得好香，裏面粒荔枝keep到juicy，荔枝既甜加埋煙肉嘅鹹香，味道好夾。鹽燒雞翼 $28雞皮燒得好香脆，雞肉唔會好嚡，值得一試。厚燒牛舌 $38每次去居酒屋燒牛舌係我必點之一， 牛舌有咬口， 簡單鹽燒就帶出牛既原汁原味。日式炒麵 $48炒麵醬汁有點似大阪燒，酸甜沙律醬，但略嫌面質炒得過淋。吉列廣島蠔 $38即叫即炸，非常熱辣辣，好脆，蠔仔冇腥味，新鮮。原條粟一燒 $48唔夠火候，粟米唔夠甜，味道一般般。冰燒菠蘿 $38呢個係甜品，留在最後食。食落凍冰冰的，好甜好多汁， 而且冇渣，好似食緊冰菠蘿咁，好正。巨峰提子梳打 $38第一啖飲落非常甜，飲唔慣太甜，下次記得叫少甜先。😂香港加油，康復香
黑松露炒烏冬 $58
炒烏冬個醬汁好特別，甜甜酸酸，有啲似燒汁，撈埋黑松露醬，非常惹味，係本店必食之一。
甲羅燒 $78
三重奏: 蟹子+蟹肉+蟹膏 撈埋一齊再塗上烘過的多士食， 蟹膏味非常濃郁，唔會過鹹，個人覺得好食過鵝肝多士。
提一提呢個一定要趁熱食，多士先夠脆。
煙肉荔枝卷 $38
煙肉燒得好香，裏面粒荔枝keep到juicy，荔枝既甜加埋煙肉嘅鹹香，味道好夾。
鹽燒雞翼 $28
雞皮燒得好香脆，雞肉唔會好嚡，值得一試。
厚燒牛舌 $38
每次去居酒屋燒牛舌係我必點之一， 牛舌有咬口， 簡單鹽燒就帶出牛既原汁原味。
日式炒麵 $48
炒麵醬汁有點似大阪燒，酸甜沙律醬，但略嫌面質炒得過淋。
吉列廣島蠔 $38
即叫即炸，非常熱辣辣，好脆，蠔仔冇腥味，新鮮。
原條粟一燒 $48
唔夠火候，粟米唔夠甜，味道一般般。
冰燒菠蘿 $38
呢個係甜品，留在最後食。食落凍冰冰的，好甜好多汁， 而且冇渣，好似食緊冰菠蘿咁，好正。
巨峰提子梳打 $38
第一啖飲落非常甜，飲唔慣太甜，下次記得叫少甜先。😂
香港加油，康復香港，時代抗疫。
張貼
