小火焰韓式咖啡廳 (樂富廣場A區) (已結業)

又有好嘢食啦，今次來到樂富廣場嘅小火焰韓國餐廳，我話過我鍾意闊落嘅空間，而呢度正正係咁樣。我發覺呢度勁多4人檯，就算坐4個都好够坐，而家陣坐2個實在太開心喇。話說人參雞相信人人都食過，但人參鴿你食過未呢，我就未喇，今次就叫咗"鮑魚人參鴿配人參酒"，可以話係“另類人參雞"的豪華版本，加咗鮑魚，仲有人參酒配搭，待應話啲酒可飲亦可加入鴿湯令到成個湯有埋酒嘅香氣，試咗果然係增色不少，而且個湯有濃郁參味亦好鮮甜，好爽。"石窩蟹籽彩雲拌飯"色彩繽紛，有白色，黃色的蘿蔔，绿色的青瓜，黑色的木耳，有橙色蟹籽，又有冬菇，芽菜，健康又好味。"糯米糍3.6牛奶乳雪花冰"係朋友的至愛，而我更愛嘅係啲朱古力糯米糍，煙煙韌韌够口感。