影片
更多
2022-07-17
75 瀏覽
記得以前特登入元朗食Omakase邊間咁吸引我哋專程走入去食？就係享負盛名的 「 壽司の神 」加上Omakase 真係會食極都唔厭所以就趁今日好天氣好心情就去試吓佢哋個Lunch Set由於餐廳需要預備食材因此必須事前電話預約落Booking再繳付每人$200 Deposit 去留位埋單嘅時候再扣返先講門面裝修轉了簡潔大門及牆壁唯一不變的就是遠處都見到嘅大大隻字招牌餐廳內嘅裝修全部轉以吧枱設計可以一邊睇住師傅整一邊享受美食店員及師傅工作非常有效率隨即俾咗兩杯熱焙煎茶我哋濕濕口而餐牌是中英對照分別有三個套餐選擇價錢只介乎 $420~780識食嘅你就一定要揀特上Omakase套餐可以一次過試晒唔同種類嘅刺身壽司❣️⊰⊹════════════════⊹⊱💬 ✎食後感 ：✨❤️【 Appetizer 】先來一份沙律菜及水雲醋物水雲味道酸酸美美好開胃食Omakase必定有茶碗蒸而辣辣出爐的黑松露蒸蛋即叫即蒸除咗有黑松露 仲有冬菇、蟹柳等配上超軟滑嘅蒸蛋簡直係暖在心頭💝【 Sashimi 】刺身四品包括赤背、龜之首、松葉蟹肉及野生鰓魚師傅就建議我哋跟着以上次序由淡至濃味去食1️⃣ 師傅預先拍打赤背肉令其
記得以前特登入元朗食Omakase邊間咁吸引我哋專程走入去食？
就係享負盛名的 「 壽司の神 」
加上Omakase 真係會食極都唔厭
所以就趁今日好天氣好心情
就去試吓佢哋個Lunch Set
由於餐廳需要預備食材
因此必須事前電話預約落Booking
再繳付每人$200 Deposit 去留位
埋單嘅時候再扣返
先講門面裝修轉了簡潔大門及牆壁
唯一不變的就是遠處都見到嘅大大隻字招牌
餐廳內嘅裝修全部轉以吧枱設計
可以一邊睇住師傅整一邊享受美食
店員及師傅工作非常有效率隨即俾咗兩杯熱焙煎茶我哋濕濕口
而餐牌是中英對照
分別有三個套餐選擇
價錢只介乎 $420~780
識食嘅你就一定要揀特上Omakase套餐
可以一次過試晒唔同種類嘅刺身壽司❣️
⊰⊹════════════════⊹⊱
💬 ✎食後感 ：✨
❤️【 Appetizer 】
先來一份沙律菜及水雲醋物水雲味道酸酸美美好開胃
食Omakase必定有茶碗蒸
而辣辣出爐的黑松露蒸蛋即叫即蒸除咗有黑松露 仲有冬菇、蟹柳等
配上超軟滑嘅蒸蛋
簡直係暖在心頭
💝【 Sashimi 】
刺身四品包括赤背、龜之首、松葉蟹肉及野生鰓魚師傅就建議我哋跟着以上次序由淡至濃味去食
1️⃣ 師傅預先拍打赤背肉令其肌肉收縮
食落口會變得爽脆鮮甜
配上柔軟幼嫩口感帶出鮮味
2️⃣ 第一次食龜之首刺身在香港俗稱鬼爪王
口感味道有點似螺肉3️⃣ 松葉蟹肉有淡淡的海水味道
師傅建議唔需要點豉油Wasabi食
4️⃣ 鰓魚又名油甘魚
味道會比一般刺身偏濃少少油份亦較重
配上面頭的柚子胡椒可減油膩感
🤎【 Simmered Fish 】
遠處都聞到汁煮吞拿魚鮫位嘅香氣魚鱗邊位向內的魚肉
食落去比較軟林林及滑身
而且好入味
完全好油膩感
🧡【 Sushi 】🍣
套餐裏的壽司總共有八件所有壽司師傅都預先加調味
而每一件都別有風味別具特色
1️⃣ 北海道帆立貝壽司 :
面頭有柚子粒帶點清新氣味
整個配搭令鮮味更為突出
2️⃣ 深海池魚壽司 :
面頭有一些柚子胡椒點綴
魚的油分比較重
因此師傅預先燒一燒
炙燒後令油分逼出食落去香口啲
3️⃣ 池魚壽司 :
由於池魚仔好細條因此魚味較濃
配上冇草青味的萬能蔥
鮮甜之餘更富口感呢
4️⃣ 甜蝦壽司 :
平時都食得甜蝦多
呢一件係非一般嘅甜蝦壽司
因為佢係用上蝦殼蝦膏熬製出嚟嘅汁
食落去都覺得好邪惡啊
5️⃣ 醬油漬赤身壽司 :
採用吞拿魚背脊位置
用豉油做咗醃漬
因此食落去比較滑身啲
還有富鹹香味的色芝麻做裝飾
6️⃣ 大拖羅壽司 :
這個部位的油份比較重少少
配上京蔥碎食落去更香
一啖放落口猶如入口即溶
非常 Creamy呢
7️⃣ 腦天壽司 :
第一次食這一個較稀有的吞拿魚部位
腦天是指吞拿魚天靈蓋
油分同樣地比較重
因此口感非常鬆軟
8️⃣ 右口魚邊壽司
經師傅燒過後令魚油溢出
令魚肉更入口即溶
放在紫菜上夾埋蔥花壽司一齊食
可以中和油膩感
💜【 Soup 】
食咗咁多壽司飲返碗熱辣辣的麵豉湯去消化一下腸胃先
🤍【 Sea Urchin 】
終於到我最鍾意嘅北海道海膽丼當中亦蘊含醬爆口感嘅三文魚籽
而呢度嘅三文魚籽經過自家醃製過
相比起坊間比較鹹同腥嘅味道
呢度嘅三文魚籽係帶甜味及酒香
仲有金箔及花花粒襯托
令賣相更吸引
💛【 Dessert 】
最後有呢一杯黃色的柚子啫喱
味道清新又清甜
可以清一清口腔味道
食到最底仲發掘到到軟綿綿的柚子蓉喔
總括而言壽司之神一向係我哋食過眾多的Omakase中
排名係首屈一指
今次亦都不負所望
成個套餐入面嘅刺身、壽司等食物
亦都能夠保持水準
味道好新鮮好美味
超滿足超大愛😍
💁🏻♀️難怪我哋追住encore食完又食👏🏻
張貼
