影片
更多
2022-10-01
1823 瀏覽
時間關係，又想食鋸扒西餐，行過見到午餐餐牌，價錢好似幾實惠喎，求其坐低試吓。有兩個餐牌，一個係普通嘅lunch set，另一個係半自助午餐。入座時快眼睇咗自助頭盤吧枱上面嘅食物質素⋯⋯哦，唔使客氣啦，費事浪費自己quota。其實普通lunch set嘅餐牌，上面都算幾豐富，有餐湯、沙律、主菜、甜品、飲品，都只係呢個價錢，算係咁啦，今時今日，茶餐廳食個鐵板餐，加杯凍飲，視乎你食乜都要一舊水左右啦！唔想食咁多澱粉質落肚，又唔想食牛，見到有雞豬拼，啱晒！不過發現佢中英文譯名有少少出入，中文就講到塊豬柳好似英國來貨咁，英文就冇寫清楚，但係另外嗰個半自助餐嘅餐牌，英國豬柳係寫明English的🤣🤣🤣，貴$40⋯⋯但算吧啦，呢個價錢⋯⋯好啦，先來嗰餐湯，質素係慘不忍睹。用漿糊嚟形容真係非常貼切，好明顯係用麵糊加雞湯推開嘅所謂忌廉湯，至於裏面有冇落忌廉，小弟真係食唔出。至於味道，我只係食到雞精加砂糖嘅甜味，即係扮出嚟嘅鮮甜🤣🤣🤣。沙律都冇乜驚喜，普普通通。就係啲沙律菜上面放兩半車厘茄，加啲雜菇，再加幾粒所謂香草燒雞，就係咁樣。沙律菜冰凍都係好事嚟，因為咁樣先顯示到係新鮮，但估唔到啲雜菇同埋香草燒雞都
其實普通lunch set嘅餐牌，上面都算幾豐富，有餐湯、沙律、主菜、甜品、飲品，都只係呢個價錢，算係咁啦，今時今日，茶餐廳食個鐵板餐，加杯凍飲，視乎你食乜都要一舊水左右啦！
唔想食咁多澱粉質落肚，又唔想食牛，見到有雞豬拼，啱晒！不過發現佢中英文譯名有少少出入，中文就講到塊豬柳好似英國來貨咁，英文就冇寫清楚，但係另外嗰個半自助餐嘅餐牌，英國豬柳係寫明English的🤣🤣🤣，貴$40⋯⋯但算吧啦，呢個價錢⋯⋯
好啦，先來嗰餐湯，質素係慘不忍睹。
53 瀏覽
0 讚好
0 留言
用漿糊嚟形容真係非常貼切，好明顯係用麵糊加雞湯推開嘅所謂忌廉湯，至於裏面有冇落忌廉，小弟真係食唔出。至於味道，我只係食到雞精加砂糖嘅甜味，即係扮出嚟嘅鮮甜🤣🤣🤣。
沙律都冇乜驚喜，普普通通。
68 瀏覽
0 讚好
0 留言
就係啲沙律菜上面放兩半車厘茄，加啲雜菇，再加幾粒所謂香草燒雞，就係咁樣。沙律菜冰凍都係好事嚟，因為咁樣先顯示到係新鮮，但估唔到啲雜菇同埋香草燒雞都係好凍，好似喺雪櫃啱啱攞出嚟一樣。OK嘅，小弟小弟食開日本嘢都係凍嘅，所以OK冇問題🤣🤣🤣 (後尾臨走再望一望自助頭盤吧枱上啲嘢食，原來都係嗰啲沙律菜，嗰啲雜菇⋯⋯)
主菜一上枱，賣相一啲都唔吸引。
38 瀏覽
0 讚好
0 留言
個汁好深色好dry，一啲色澤光彩都冇⋯⋯所以係冇期望嘅情況下，我第一刀就鋸落塊豬柳上面，都有啲實淨喎⋯⋯
36 瀏覽
0 讚好
0 留言
28 瀏覽
0 讚好
0 留言
食完嚿豬柳都真係有少少飽，所以對半邊嘅燒雞都係冇乜期望。
21 瀏覽
0 讚好
0 留言
所以為咗自己嘅味蕾着想，食咗隻雞脾先⋯⋯又OK喎，咬落裏面肉質鬆軟，仍然有肉汁，合格有餘！
22 瀏覽
0 讚好
0 留言
甜品係一件普通嘅小蛋糕，叫做過下口癮
18 瀏覽
0 讚好
0 留言
喺隻碟上面竟然用糖漿畫圖案，雖然眼高手低，但充滿誠意👏🏼👏🏼👏🏼 。凍檸水檸檬嘅份量都幾充足！
順帶一提，而家有啲西餐廳水杯已經轉用膠杯，洗得兩洗，卒到花晒，好似磨砂咁。但呢度仍然用玻璃杯，都算有誠意，可惜隻玻璃杯質素真係麻麻，好花，所以唔靚。
結論，好飽。
張貼
