影片
更多
2023-03-04
47 瀏覽
好耐冇食一人火鍋～今晚想食下 同朋友揀左一間大部份湯底都好養生既馬祖🤗一入到門口 就可以揀定湯底 共有十二款選擇～我地分別揀左台灣藥膳花雕清雞湯&台灣藥膳蟲草花桃膠雞湯🍲之後再揀埋食邊款套餐 我地揀左$298套餐 有齊豬牛雞同魚✌🏻湯底🍲如果第一次黎食冇咩頭緒我建議試台灣藥膳花雕清雞湯😍真係一試難忘 係未放任何肉同丸之前要飲一碗湯先 好鮮甜 感覺好補身 好想飲完再飲 最後我係飲左兩碗先開始打邊爐😆肉類🥩黑毛豬同牛頸脊係必點既牛 唔肥之餘仲好香牛味 薄切放落湯十秒就食得 出色～最重要係無論第幾次order 上碟既質素依然保持一樣！西班牙豬肉片都係好薄切 豬比牛多少少脂肪 但都可接受既 肉質都好好👍🏼係上等靚豬丸類🍡打邊爐其中一個重點係要食丸 呢度丸類好多選擇岩晒我 有d丸出面係冇食過既 例如冬陰功丸 咬開係充滿住冬陰功味既醬汁 好特別～奶油南瓜包都未係出面都冇試過 一咬開係南瓜蓉 好飽肚😆仲有好多台灣丸類數之不盡..鍾意食丸既朋友好似我咁每樣攞一粒黎試下😇飲品🧃有冷熱飲品可以選擇 好貼心❤️有奶類 茶類 果汁類 汽水類 有支裝 罐裝 紙包裝 有本地品牌 韓國品牌 任君選擇👍🏼甜品🍨連甜品都
好耐冇食一人火鍋～今晚想食下 同朋友揀左一間大部份湯底都好養生既馬祖🤗
一入到門口 就可以揀定湯底 共有十二款選擇～我地分別揀左台灣藥膳花雕清雞湯&台灣藥膳蟲草花桃膠雞湯🍲之後再揀埋食邊款套餐 我地揀左$298套餐 有齊豬牛雞同魚✌🏻
湯底🍲
如果第一次黎食冇咩頭緒我建議試台灣藥膳花雕清雞湯😍真係一試難忘 係未放任何肉同丸之前要飲一碗湯先 好鮮甜 感覺好補身 好想飲完再飲 最後我係飲左兩碗先開始打邊爐😆
肉類🥩
黑毛豬同牛頸脊係必點既牛 唔肥之餘仲好香牛味 薄切放落湯十秒就食得 出色～最重要係無論第幾次order 上碟既質素依然保持一樣！
西班牙豬肉片都係好薄切 豬比牛多少少脂肪 但都可接受既 肉質都好好👍🏼係上等靚豬
丸類🍡
打邊爐其中一個重點係要食丸 呢度丸類好多選擇岩晒我 有d丸出面係冇食過既 例如冬陰功丸 咬開係充滿住冬陰功味既醬汁 好特別～奶油南瓜包都未係出面都冇試過 一咬開係南瓜蓉 好飽肚😆仲有好多台灣丸類數之不盡..鍾意食丸既朋友好似我咁每樣攞一粒黎試下😇
飲品🧃
有冷熱飲品可以選擇 好貼心❤️有奶類 茶類 果汁類 汽水類 有支裝 罐裝 紙包裝 有本地品牌 韓國品牌 任君選擇👍🏼
甜品🍨
連甜品都有好多選擇 有唔同牌子既雪糕雪條 我揀咗Movenpick既雲呢拿雪糕 味道唔需要多講 食過都知道係有幾香雲呢拿味 有幾好食🤤
馬祖 (將軍澳廣場) (將軍澳)
將軍澳唐德街1號將軍澳廣場1樓1021-1023號舖
張貼
