好茶養生 (MOKO新世紀廣場) (已結業)

今日出街行行吓有啲攰想飲杯野。依家疫情戴住口罩都唔係好方便周街飲嘢，最好就係可以坐低慢慢飲。呢間小店都有唔少座位，主打養生茶，非常健康。我就揀咗桂花雪梨茶少甜。雪梨茶夠清甜，而且夠滋潤，熱飲相當唔錯，大大杯！另外一杯揀咗蜜桃茶凍少冰。蜜桃茶蜜桃味幾香，茶味亦都夠。仲有兩件蜜桃肉好甜好好食。見到有雪糕揀咗玫瑰紅茶味。雪糕筒夠脆，玫瑰味夠香。鍾意紅茶味甜甜地有茶香。另外一個揀咗焙茶味。呢度嘅雪糕夠凍，焙茶味都唔錯，但係唔會太濃郁～除咗飲品、雪糕，仲有蛋糕，想坐低休息一下確實係一個唔錯嘅選擇！