餃掂手工餃子雲吞專門店

一直從社交媒體聽過餃掂呢個名，雖然分店多，不過就一直無機會坐低試下。今日交收完，路過見到醒起呢間由太子開到泥西環既餃子店，環境光鮮企理，鋪位雖小，但樓底幾高，坐落都算舒服。叫左幾味餃子同朋友一齊分享，最為欣賞煎餃！龍鳳松茸餃呢個店員推介，叫我地試下呢到拿手款式，雖然價錢多小小，不過出奇地原來黑白松露同肉餡一齊放入餃子皮內係咁夾！而且呢到煎功無得彈，我係屋企煎十次都煎唔到咁金黄香脆。所以話，有D野食要出街食先食到！另外呢款餃仲配埋湯，好岩食到口乾濕下口，味道也唔差（當然係無燉湯咁好飲）元貝豬肉餃無預計過過元貝豬肉餃咁重元貝味，食得好開心，好味又足料！如果鍾意食元貝類既朋友唔好錯過！湯餃亦冇浸到餃子皮軟爛，狀況剛剛好至尊重茸餃呢款又係煎餃，呢到既煎餃真係無得輸！我就自己調配左醬料，1/3醋加2/3醬油，配埋店家提供既台上既秘制醬料同埋特別另上既松茸醬，好似開緊醬汁PARTY！值得一提，松茸醬帶有好獨特既菇香，味道比一般豆瓣醬層次更豐富，能夠吊起餃子味道。而且仲有分辣味同原味，兩者都好好食！