影片
更多
2018-12-29
3011 瀏覽
天秀悅品酒店自助餐開業咁耐，一直都好難訂位，今日終於可以一試。結論係，味道食得落但無特別，份量超足超飽肚但對比價錢會覺得唔抵，所以我哋決定餐廳自助餐無改變就唔再去喇，點解我咁講，大家可以睇下啲相，自己諗下先啦。我鍾意湯，梗係先講湯，當晚有三款，花膠燉湯，羅宋湯，忌廉湯，燉湯是一盅盅，顏色好深不過可見無咩湯料在盅內，所味道只可以說有湯味但無花膠味。羅宋湯和忌廉湯比起金X牌差好多，好似有顏色少少味既水咁。小食擺設好靚好精緻，酒店起用色方面係幾好，用不同大小玻璃杯裝著，菜牌寫大蝦沙拉及什果沙拉，之但係呢，大蝦沙拉裡面隻蝦細到....，不過味道又幾好食，什果沙拉就好正常用蘋果嚟做主，味道同樣唔錯，至於新鮮度就差少少，感覺似放起度都一段時間咁，兩款沙拉底都少少出水。老公話一啲都唔似好貴會既大蝦沙拉，所以佢自制一杯俾我影相。所以好靚嗰杯既凍蝦係自己整落去架，因為全場嚟講，最好食就係呢款凍蝦，真係可以再添食，味道爽甜無爛肉，我哋當晚唯一添食即野嚟。至於其他，煙燻類唔多，我只係攞咗煙三文魚，味道好正常。刺身款式唔多，有三文魚，甜蝦，榮螺，吞拿魚，墨魚，每次限攞3款，只廚師分配，味道唔新鮮，雪咗好耐既味
結論係，味道食得落但無特別，份量超足超飽肚但對比價錢會覺得唔抵，所以我哋決定餐廳自助餐無改變就唔再去喇，點解我咁講，大家可以睇下啲相，自己諗下先啦。
我鍾意湯，梗係先講湯，當晚有三款，花膠燉湯，羅宋湯，忌廉湯，燉湯是一盅盅，顏色好深不過可見無咩湯料在盅內，所味道只可以說有湯味但無花膠味。羅宋湯和忌廉湯比起金X牌差好多，好似有顏色少少味既水咁。
小食擺設好靚好精緻，酒店起用色方面係幾好，用不同大小玻璃杯裝著，菜牌寫大蝦沙拉及什果沙拉，之但係呢，大蝦沙拉裡面隻蝦細到....，不過味道又幾好食，什果沙拉就好正常用蘋果嚟做主，味道同樣唔錯，至於新鮮度就差少少，感覺似放起度都一段時間咁，兩款沙拉底都少少出水。
老公話一啲都唔似好貴會既大蝦沙拉，所以佢自制一杯俾我影相。
所以好靚嗰杯既凍蝦係自己整落去架，因為全場嚟講，最好食就係呢款凍蝦，真係可以再添食，味道爽甜無爛肉，我哋當晚唯一添食即野嚟。
至於其他，煙燻類唔多，我只係攞咗煙三文魚，味道好正常。
刺身款式唔多，有三文魚，甜蝦，榮螺，吞拿魚，墨魚，每次限攞3款，只廚師分配，味道唔新鮮，雪咗好耐既味道。
熱食既款式，出奇地全部都係飽肚食物，炒飯炒麵，燒肉燒味，瑤柱扒西蘭花等等，五穀類食物偏多，餸菜款式少，味道都係一般般
甜品呢！我有點失望😞，款式唔算少但怪怪地，唔係大眾化既款，我只係攞咗啲比較一般都會食既款試，至於一啲比較特別，馬拉糕，雞屎滕草餅呢啲就留俾其他人。當然雪糕一定有不過係牛奶公司雪糕有雲你嗱，朱古力，就無其他喇。
仲有一啲例如芝士餅乾，多士都無影到，因為無哎特色。
到價錢，晚餐時間係每人三百幾加一，如果你只係想食得飽肚，可以有其他選擇，而唔需要付出咁多。
張貼
