SUNSET PIER BY BEER POINT

營業中

休息中

呢度有個無敵維港景，D野食野飲嘅價錢都算抵，除咗無冷氣之外，其實都係一個飲野好地方。今日叫咗個炸薯條同泰式炸蟹餅，飲品就叫咗奇異果smooties同埋Stella Artois生啤，老老實實咁講，飲品比食物更勝一籌，當然，我地叫嘅只係兩個好普通嘅小食，所以未必可以同佢地嘅正式泰國菜做比較，不過佢個薯條又真係Hea咗少少嘅，已經唔係粗薯條，仲要唔夠香脆，雖然佢係即叫即炸，不過都只係咁嘅水準就真係令人婉惜。個泰式炸蟹餅又係有D Hea，估計係交貨返黎，仲要個油溫未夠就炸，真係唔係好夠火喉。不過好彩，佢D飲品都幾有誠意，我當然唔係講杯生啤啦。佢個奇異果Smooties算係幾出色，似係用新鮮奇異果打出黎嘅，而且果肉嘅份量都算幾多吓，呢杯幾好飲。