海饌 - 海鮮牛扒餐廳 (Fashion Walk) (已結業)

早幾個星期落好大雨，係銅鑼灣搵食都唔係咁易，係完全唔洗預先book位情況下，黎到coast舒舒服服咁坐低。餐牌菜色款款都好似幾吸引，本來想試下佢地既生蠔同海鮮併盤，但因為第二日要出trip關係，都係唔好搏得太盡！所以都係單點左幾款小食，同叫左一jug sangria, 三個人飲都可以飲到兩杯多，甜甜地啱晒女士慢慢傾慢慢飲，略嫌酒精濃度較淡，比較似飲近果汁。食物就叫左雞翼、磨菇焗蠔、蟹餅、薯條，雞翼非常香脆，是不錯的送酒食物，大磨菇本身都幾厚肉好林，配以醬汁同焗蠔，兩者都幾夾，口感都幾好，味道不錯。最後既蟹餅都幾鮮味，配以沙律醬吃，味道很好。全部食物質素滿意，份量全部都係細細碟的，價錢相對不是太便宜，但銅鑼灣黎講都差不多啦，服務質素都唔錯，飲野食飯都可以試試！