影片
更多
2024-05-13
35 瀏覽
一話去飲茶我真係心心眼，因為有得食我至愛嘅流沙包飲茶梗係多人食先開心，所以今日又帶埋姑婆同丈公飲啖茶食個包🥢東哥蝦餃皇 內餡足料，好飽滿🥢百醬蒸鳳爪同平時食嘅味差唔多🥢原隻鮮蝦腸粉皮薄夠滑，蝦肉算大隻🥢四寶滑雞扎魚肚爽口夠入味，雞肉超滑🥢沙嗲金錢肚 煮得好腍好入味，唔洗點用牙力都咬得開🥢炸脆皮鯪魚球即叫即炸，炸皮好似紙咁薄 ，魚肉爽彈，最緊要食唔到有魚骨碎不過呢度唔係俾蜆蚧醬，而係俾千島醬🥢金箔流沙包 一搣開軟綿綿嘅包，香滑濃郁且甜度適中嘅蛋黃流沙湧出嚟，簡直冇得頂見到早市、下午茶精選套餐好抵($38)，所以叫左两碗大良雙皮奶加安蝦鹹水角同香煎綠豆餅🥢香煎綠豆餅外層好酥脆，微甜嘅綠豆蓉唔係壓到實的的咁🥢安蝦鹹水角熱焫焫外脆內軟，但係內餡比例就少咗啲🥢大良雙皮奶 好滑，奶味濃郁，甜品度適中呢度價錢比其他茶樓算抵，只收茶錢免加一而職員服務好有禮貌，同我哋仲有其他食客都有傾有講，下次會再食
飲茶梗係多人食先開心，所以今日又帶埋姑婆同丈公飲啖茶食個包
🥢東哥蝦餃皇
內餡足料，好飽滿
🥢百醬蒸鳳爪
同平時食嘅味差唔多
🥢原隻鮮蝦腸
粉皮薄夠滑，蝦肉算大隻
🥢四寶滑雞扎
魚肚爽口夠入味，雞肉超滑
🥢沙嗲金錢肚
煮得好腍好入味，唔洗點用牙力都咬得開
🥢炸脆皮鯪魚球
即叫即炸，炸皮好似紙咁薄 ，魚肉爽彈，最緊要食唔到有魚骨碎
不過呢度唔係俾蜆蚧醬，而係俾千島醬
🥢金箔流沙包
一搣開軟綿綿嘅包，香滑濃郁且甜度適中嘅蛋黃流沙湧出嚟，簡直冇得頂
見到早市、下午茶精選套餐好抵($38)，所以叫左两碗大良雙皮奶加安蝦鹹水角同香煎綠豆餅
🥢香煎綠豆餅
外層好酥脆，微甜嘅綠豆蓉唔係壓到實的的咁
🥢安蝦鹹水角
熱焫焫外脆內軟，但係內餡比例就少咗啲
🥢大良雙皮奶
好滑，奶味濃郁，甜品度適中
呢度價錢比其他茶樓算抵，只收茶錢免加一
而職員服務好有禮貌，同我哋仲有其他食客都有傾有講，下次會再食
張貼
