玉桃軒酒家 (利舞臺廣場)

營業中

休息中

今日要出銅鑼灣幫阿囡整野, 搞掂唒就去利舞臺間玉桃軒同阿媽匯合, 佢最鍾意去呢間酒樓打躉, 一早就去攞枱開定茶等我, 幾時都話媽媽好ga la!!我地2個人叫左鳳爪排骨飯, 雞扎, 沙律角, 馬拉糕, 叉燒包, 柱侯金錢肚, 全部食得唒唔駛打包…勁!!! 唔好睇少一口沙律角, 咁細粒入面竟然放得落2隻大蝦, 咬落去啖啖肉, 外皮脆卜卜點埋沙律醬一絕, 好開胃, 一碟3粒計番有6隻蝦咁多呀。而我嘅至愛係柱侯金錢肚, 牛肚夠嫩有咬口又夠入味, 欣賞洗得夠乾淨, 完全冇我怕嘅嗰陣內臟味。