影片
更多
2020-06-07
127 瀏覽
又到放假既日子，緊係要約朋友出黎食下野行下街啦，突然好想飲茶，就上網揾下邊度有啲未食過既餐廳。我見有人推薦位於旺角深圳街既新贊記，話係隱世小店，所以就去試下係咪咁好食啦！！佢既位置都幾偏僻，一入到去，地方不大，一眼就可以睇哂，地方不大，座位有限，環境同茶餐廳沒有分別。點心種類都多，基本上同茶樓冇咩分別，只係多左啲蒸魚套餐！今次我地叫左8款點心，每款都係即叫即整，而且平日2點至6點去有孖寶點心，菜單上粉紅色字就係孖寶，只要35蚊，真係好抵呀👍🏻酥炸奶皇包，新鮮即叫即炸，外脆內軟，而且裏面嘅奶黃仲要係流心架，味道一流，十分推介~醬皇蒸鳳爪、豉椒蒸排骨，鳳爪同排骨都蒸得好入味又諗，而且鳳爪既醬汁調得啱啱好，唔會好咸，又惹味！贊記蝦餃皇，餃皮還算薄，入面隻蝦好大隻，好有咬口，唔錯唔錯🤩🤩金珠鹹水角，都係即叫即炸，外脆內軟，一啲都唔油膩，但裏面嘅餡比較少，如果多番少少會好啲，但整體來講都好食嘅鴛鴦燒賣，一籠有兩款，燒賣同牛肉球，兩款蒸出黎都唔乾，而且都好juicy，可以一次過滿足兩個願望蜜汁叉燒腸，腸粉皮蒸得好通透，又唔會太厚，加上每條腸粉都有好多叉燒，餡料十足！ 最後就叫左個甜品就係蜂巢黑糖糕
佢既位置都幾偏僻，一入到去，地方不大，一眼就可以睇哂，地方不大，座位有限，環境同茶餐廳沒有分別。點心種類都多，基本上同茶樓冇咩分別，只係多左啲蒸魚套餐！
今次我地叫左8款點心，每款都係即叫即整，而且平日2點至6點去有孖寶點心，菜單上粉紅色字就係孖寶，只要35蚊，真係好抵呀👍🏻
酥炸奶皇包，新鮮即叫即炸，外脆內軟，而且裏面嘅奶黃仲要係流心架，味道一流，十分推介~
醬皇蒸鳳爪、豉椒蒸排骨，鳳爪同排骨都蒸得好入味又諗，而且鳳爪既醬汁調得啱啱好，唔會好咸，又惹味！
贊記蝦餃皇，餃皮還算薄，入面隻蝦好大隻，好有咬口，唔錯唔錯🤩🤩
金珠鹹水角，都係即叫即炸，外脆內軟，一啲都唔油膩，但裏面嘅餡比較少，如果多番少少會好啲，但整體來講都好食嘅
鴛鴦燒賣，一籠有兩款，燒賣同牛肉球，兩款蒸出黎都唔乾，而且都好juicy，可以一次過滿足兩個願望
蜜汁叉燒腸，腸粉皮蒸得好通透，又唔會太厚，加上每條腸粉都有好多叉燒，餡料十足！
最後就叫左個甜品就係蜂巢黑糖糕，好重黑糖味，但又唔會甜過頭，而且愈食愈煙韌，未試過既朋友仔可以試下
總括而言，點心味道不錯，而且價格好親民，好適合中意食一盅兩件既朋友仔。
張貼
