影片
更多
2018-09-29
1267 瀏覽
中秋節假期，同老公走咗去行寶馬山，順便舒展一下筋骨。行完山後，本來打算去「彩福喜宴」飲茶，不過後嚟因為輪候的人實在太多，唔想等位，所以改咗去食小炒。趁今個星期六小鬼要補課，兩口子決定再接再厲，跑完步後就早啲嚟搵位。好彩行快一步，估唔到間酒樓同上次嚟一樣咁旺場，幾乎座無虛席。無嚟一排，又睇下點心嘅價錢有無大改動先。就以今日星期六同嚟緊嘅星期日及公眾假期為例，中午時段，由 11:01 至下午 2:30，小點：$19、中點：$25、大點：$30、特點：$35，茗茶每位：$12，點心價格同之前相比，只係作咗輕微嘅調整，加幅不算太大。至於食物選項就包括有午市點心精選、星級名廚推介、精選小食、粉麵飯、得獎點心、大廚滋味、午市商務自選套餐同一系列以「為您著迷」為主題的甜品。先試下幾款得獎點心，呢款係 2013 年贏得「美食之最大賞」至高榮譽金獎嘅芝心海皇千絲春卷 ($33)。春卷造型別出心裁，大廚用上威化紙來代替春卷皮，外層裹上炸麵包絲，而入面的餡料就有伴以車打芝士嘅鮮蝦同帶子粒。一口咬下，外層爽脆又不帶絲毫油膩感，加上入面半溶的芝士海鮮春卷，食落非常可口，惹味好吃。旋風黃金流沙包 ($30)，外層
中秋節假期，同老公走咗去行寶馬山，順便舒展一下筋骨。行完山後，本來打算去「彩福喜宴」飲茶，不過後嚟因為輪候的人實在太多，唔想等位，所以改咗去食小炒。趁今個星期六小鬼要補課，兩口子決定再接再厲，跑完步後就早啲嚟搵位。
好彩行快一步，估唔到間酒樓同上次嚟一樣咁旺場，幾乎座無虛席。
無嚟一排，又睇下點心嘅價錢有無大改動先。就以今日星期六同嚟緊嘅星期日及公眾假期為例，中午時段，由 11:01 至下午 2:30，小點：$19、中點：$25、大點：$30、特點：$35，茗茶每位：$12，點心價格同之前相比，只係作咗輕微嘅調整，加幅不算太大。至於食物選項就包括有午市點心精選、星級名廚推介、精選小食、粉麵飯、得獎點心、大廚滋味、午市商務自選套餐同一系列以「為您著迷」為主題的甜品。
先試下幾款得獎點心，呢款係 2013 年贏得「美食之最大賞」至高榮譽金獎嘅芝心海皇千絲春卷 ($33)。春卷造型別出心裁，大廚用上威化紙來代替春卷皮，外層裹上炸麵包絲，而入面的餡料就有伴以車打芝士嘅鮮蝦同帶子粒。一口咬下，外層爽脆又不帶絲毫油膩感，加上入面半溶的芝士海鮮春卷，食落非常可口，惹味好吃。
旋風黃金流沙包 ($30)，外層嘅一圈一圈原來係用竹炭粉造成，包身食落不黏牙，入口帶麵粉香。至於入面的餡料，真係勁流！一掰開已經瀉曬出來，鹹蛋黃味好濃，質感沙得嚟又夠澎湃，奶香味十足，而且食完不會涸喉，甜度亦適中。
呢款龍皇野菌腸 ($30) 其實即係春卷腸，面層是滑溜的腸粉，入面包住春卷皮，內裡的餡料有魚肉、靈芝菇、雞脾菇等。腸粉清甜滑溜，內裡酥脆鮮美，野菌香氣十足，三者配合得恰到好處，沾點豉油來吃，十分美味。
京蔥櫻花蝦煎薄罉 ($28)，薄罉賣相好靚，色澤金黃，煎得夠薄，邊位又夠脆，加上入面的蔥花同櫻花蝦，焦香四溢，令人吃不停口。
鯪魚肉煎釀虎皮椒 ($28)，煎釀青椒是一種街頭美食，亦是煎釀三寶中最受歡迎的一款口味。青椒夠曬大隻，平切易咬，魚肉甚厚，釀得脹卜卜又夠貼服，加上煎得十分香口，蘸上甜豉油吃，非常惹味！
小食：脆素鵝拼燒腩仔 ($55)，素鵝包得有點鬆散，不過腐皮豆味頗濃郁。至於入面的餡料就有甘筍絲、西芹和冬菇絲等，食落香脆可口。燒腩仔，亦很有水準，皮燒得又香又脆，肉也十分嫰滑，看到肥肉同瘦肉層層相間，入口即化又唔沒油膩，而且仲食到肉香。以二百多元的消費來說，絕對超值。
張貼
