影片
更多
2018-04-17
285 瀏覽
出開旺角買野，但始終食晚飯真係太多人，所以太子係我好鍾意去既地方，唔算多人，地點一樣咁方便，重有唔少好野食呢。呢間點心有佢地自己創既款式，又有傳統既點心 👍🏻蝦餃皮唔算厚，入面都幾多蝦，又夠爽，好味！原隻鮑魚燒賣有真鮑魚食啊，食落完全冇腥味，燒賣都好大粒，正啊～鮮蝦腐皮卷幾脆，入面都爽口，唔算太油，還可以。雪山叉燒包外皮係墨西哥包既皮，入面有叉燒餡，啲餡既份量岩岩好，啲醬又唔會太濃，個包微暖，都唔錯！棉花雞份量都幾多喔！棉花吸哂啲汁好好味，雞都好大件，我同朋友都食到好飽。😂😂煎蝦膠釀茄子我同朋友都超級鍾意食茄子，呢個黎到熱辣辣，就算上面有汁，都食得出煎得好脆，好好味啊！😍太子愈黎愈多野食，呢間整體黎講唔錯，價錢唔貴，味道都好好，已經約定朋友下次再食！
呢間點心有佢地自己創既款式，又有傳統既點心 👍🏻
蝦餃
皮唔算厚，入面都幾多蝦，又夠爽，好味！
原隻鮑魚燒賣
有真鮑魚食啊，食落完全冇腥味，燒賣都好大粒，正啊～
鮮蝦腐皮卷
幾脆，入面都爽口，唔算太油，還可以。
雪山叉燒包
外皮係墨西哥包既皮，入面有叉燒餡，啲餡既份量岩岩好，啲醬又唔會太濃，個包微暖，都唔錯！
棉花雞
份量都幾多喔！棉花吸哂啲汁好好味，雞都好大件，我同朋友都食到好飽。😂😂
煎蝦膠釀茄子
我同朋友都超級鍾意食茄子，呢個黎到熱辣辣，就算上面有汁，都食得出煎得好脆，好好味啊！😍
太子愈黎愈多野食，呢間整體黎講唔錯，價錢唔貴，味道都好好，已經約定朋友下次再食！
張貼
