旺記冰室 (大本型) (已結業)

印象中，旺角冰室見得最多菜式應該係「叉蛋飯」。不過今次無試食到佢既叉燒蛋，而係試左「野菜蕃茄麵豉湯讚岐烏冬」。晚市時間，食客都算多，不過間鋪既空間尚算大，而座位都算多，座位間格寬敞。 落完單後，等左無幾耐後，食物就到了。 碗烏冬都幾大碗，而且野菜都豐富。 湯既味道有啲似羅宋湯，而且味道幾濃。 滑蛋賣相都吸引，味道不錯，亦很滑溜。 左邊就有一堆菜，加幾隻蝦，仲有啲火腿絲同飽魚絲，認真豐富。 食到最後，湯底可以飲埋。最後服務質素方面，啲姐姐同叔叔都好好態度，唔會「一田面」。 因為碗烏冬用叉比較難進食，而放餐具既餐具盒內又無筷子，於是舉手叫侍應姐姐拎，好快見到有人舉手就馬上走黎幫忙，很讚。