好茶養生 (MOKO新世紀廣場) (已結業)

今日行新世紀廣場先發現好茶養生有實體店，一直以為佢只係喺不同嘅地方寄賣產品同網上訂購，既然嚟到咁就試堂食啦😆一開始以為佢只係提供熱飲，原來佢都有提供凍飲，飲品都係以茶底為主， 今次我揀咗水果茶同青蘋果青檸茶，店員仲主動問需唔需要為我哋少甜少冰，佢嘅少甜少冰真係調較得剛剛好，抵讚👍🏻水果茶入邊有紅肉火龍果同白肉火龍果，比起坊間用香橙片更容易食得番啲水果，青蘋果配青檸原來都幾夾，解渴之餘仲好開胃添我被雪櫃既士多啤梨千層批同玫瑰荔枝慕絲吸引😍士多啤梨千層批有三層，個批好鬆化，一d都唔乾，加上佢每一件嘅蛋糕都獨立一個盒裝住，唔會吸晒雪櫃嘅濕氣，而且仲可以保持衛生，好貼心👍🏻玫瑰荔枝慕絲既外型都係一朵玫瑰花，仲要係粉紅色，充滿少女情懷，食得出有淡淡的玫瑰同荔枝香味，最鍾意佢中間有一層酸酸地嘅啫喱凍，食完一啖好想再食第二啖，推薦！舖頭仲有好多獨立茶包購買，送禮自用都啱，聖誕節嘅時候可以嚟呢度買交換禮物😆