鴨仔冰室 (已結業)

餐廳位於鴻圖中心地下，以鴨仔為主題嘅開放、懷舊式餐廳，頗有特式，自成一角。夜晚嘅工廠區放工後人流不多，坐得好舒服，同朋友食飯吹吓水，坐足兩個鐘好正！松露蘑菇忌廉湯，好香好好味呀呢個😍😍印度烤雞配飯$98雞肉烤完都唔鞋、唔乾，都幾香，有啲孜然粉味，飯落咗黃薑粉、咖喱粉，辣辣地幾惹味。西班牙多汁豬扒$158配黑椒汁，肉味香濃，啲肉食落有口感，唔係落鬆肉粉醃製到好淋嗰種。懷舊香蕉船$48Tiramisu$38冇收加壹，食埋甜品都係百零蚊一個人，非常抵食！放咗工同朋友食下飯、傾吓計真係唔錯嘅選擇。