手作功夫茶 (京瑞廣場1期)

營業中

休息中

本身住石門，又慣咗成日都會落街買嘢食，今日就落咗京瑞。買完飯，又想買甜品😋經過手作功夫茶，原來又未飲過喎，又試下先。🧋鐵觀音珍珠奶茶我本身對茶好有要求，呢杯茶底好醇好甘香，一啲都唔苦唔澀，係真正嘅鐵觀音。本身有靚茶底，飲品就一定有質素，所以成杯奶茶好香滑，配搭得非常好，珍珠唔會痴埋一堆，粒粒分明。最值得讚嘅係唔洗少蜜，甜度都好適中，唔會一味死甜💯☕伯爵拿鐵 無蜜伯爵茶味好濃郁，同平時飲嘅英式伯爵茶好相似，配埋拿鐵令整杯飲品更多味覺層次，特登揀無蜜，即使無糖，亦一啲都唔苦，整體上兩杯飲品都非常滿意，下次一定會試埋其他💮