北京樓 (已結業)

呢度係我飯堂之一。因為夜收工，晚飯多數出街食。呢度的出品唔錯，但就十分容易搵位，所以我與內子每個星期最少來一次。我最鍾意食呢度的海蜇頭，大舊爽口，蔥油香味濃郁，食到尾用匙羹「畢」埋的汁液，沁落D銀絲卷度食，正。炒鱔糊是內子喜愛之一。呢度係京菜館，但的炒鱔糊就滬菜響油鱔糊做法，下墊大量韭黃，她愛其辛辣。呢度D拉麵應該係自己打的，唔似一般京滬菜館的死死實實。重有，蔥油餅都幾正，包有汁，每次必叫一個。這裏的工作人員招呼一流，禮貌周周，值得一讚。食完順路搭車返屋企，又一日。